430 كيلوگرامم سالماقتاعى پاكىستاندىق ارباب حيزەر حايات (Arbab Khizer Hayat) ءوزىن الەمدەگى ەڭ الىپ ادام دەپ جاريالادى، سونىمەن قوسا، زاماناۋي گەركۋلەس رەتىندە تاريحتا قالعىسى كەلەدى. بۇل تۋرالى Lenta.ru حابارلايدى.

25 جاستاعى  ەر ادام كاسىبي رەستلەر پاۋەرليفتينگتەن چەمپيون بولعىسى كەلەدى. «بۇل تەك ۋاقىتتى تالاپ ەتەتىن سۇراق»، – دەپ العا تارتتى.

حاياتتىڭ سوزىنشە، ول ءوزىنىڭ دەنە ءبىتىمى ءۇشىن قۇدايعا العىس ايتادى جانە ودان دا كوپ سالماق يەسى بولعىسى كەلەدى. ول ءۇشىن حايات ءبىر كۇندە 10 مىڭ كيلوكالوريا تۇتىنادى: اتاپ ايتقاندا، تاڭعى اسقا 36 جۇمىرتقا، 3 كگ-نان اسىق ەت جانە 5 ليترگە جۋىق ءسۇت ىشەدى.

حاياتتىڭ بويى 190 سانتيمەتردى قۇرايدى. پاكىستاندىقتىڭ ايتۋىنشا، ونىڭ دەنساۋلىعىندا ەشقانداي كىنارات جوق.

«مەن ءوز سالماعىمنان قولايسىزدىق سەزىنبەيمىن»، – دەدى گەركۋلەس.

الەمدەگى ەڭ كۇشتى ادام امەريكاندىق برايان شەۋ بولىپ تابىلادى. World's Strongest Man حالىقارالىق جارىسىندا جىل سايىن چەمپيون انىقتالىپ وتىرادى.