قازاق تاريحىنىڭ جاناشىرى، «XIX عاسىردىڭ 20-40 جىلدارىنداعى قازاقستان» اتتى ەڭبەكتىڭ اۆتورى ەرمۇحان بەكماحانوۆ تۋرالى ءفيلمنىڭ جەلىسى بىرنەشە ۋاقىت ارالىعىن قامتيدى: XIX عاسىردىڭ ورتا تۇسى كەنەسارى حاننىڭ تاۋەلسىزدىك جولىنداعى كۇرەسى، XX عاسىردىڭ ورتاسى جانە 60-جىلداردىڭ سوڭى. تاريحي تۋىندىدا قازاقتىڭ سوڭعى حانى كەنەسارى قاسىموۆ باستاعان ۇلت-ازاتتىق كوتەرىلىسكە ارنالعان زەرتتەۋلەرى ءۇشىن 25 جىلعا باس بوستاندىعىنان ايىرىلعان توتاليتارلىق جۇيەنىڭ قۇربانى، الاش ارىسى ەرمۇحان بەحماحانوۆتىڭ تاعدىرى باياندالادى.

ءفيلمنىڭ رەجيسسەرى جانە سەناريي اۆتورى - قازاقستاننىڭ ەڭبەك سىڭىرگەن قايراتكەرى، مەملەكەتتىك سىيلىق لاۋرەاتى، فرانسيا كينواكادەمياسىنىڭ جورج سادۋل اتىنداعى سىيلىعىنىڭ لاۋرەاتى ساتىبالدى نارىمبەتوۆ.

فيلمدە باستى كەيىپكەر ەرمۇحان بەكماحانوۆتىڭ ءرولىن بەرىك ايتجانوۆ، حاليما بەحماحانوۆانىڭ ءرولىن قارلىعاش مۇحامەدجانوۆا سومدادى. كەنەسارى حان رولىندە سانجار مادييەۆ وينايدى. سونداي-اق، فيلمگە ءازيز بەيشەنالييەۆ، قۇرالاي اناربەكوۆا، ەردەن تەلەمىسوۆ، ازات نۇرتايەۆ، شىنار جانىسبەكوۆا، اجار ىبىرايەۆا، ارتەم ميتنيەۆ قاتىسقان.