ق ر پارلامەنت ءماجىلىسىنىڭ دەپۋتاتى امانجان جامالوۆ حقكو-دا كوز جۇمعان ەر ادامنىڭ تۋىستارىنان كەشىرىم سۇرادى.
«ب ا ق بەرگەن سۇحباتىم جايىندا مىنانى ايتقىم كەلەدى. حقكو قايتىس بولعان كىسىنىڭ تۋىستارى مەن جاقىندارىنا قايعىرا كوڭىل ايتامىن. سونىمەن قاتار، كۇتپەگەن سۇراققا دۇرىس جاۋاپ بەرمەگەنىم ءۇشىن كەشىرىم سۇرايمىن. بولعان وقيعاعا قاتىستى تاعى دا كوڭىل ايتامىن، كەشىرىم سۇرايمىن» دەپ جازدى جامالوۆ.
بۇعان دەيىن دەپۋتات حقكو-دا ورىن العان ادام ءولىمى جايىندا پىكىر ءبىلدىرىپ، حالىقتىڭ نارازىلىعىن تۋدىرعان ەدى.
ەستەرىڭىزگە سالا كەتەيىك، بۇگىن الماتىداعى الاتاۋ اۋداندىق حالىققا قىزمەت كورسەتۋ ورتالىعىندا 50 جاستاعى ەر ادام قايتىس بولدى.
پىكىر قالدىرۋ