قوستانايدا «ترۋدوۆىە رەزەرۆى» سپورتكەشەنىندە اتىس بولدى، دەپ حابارلايدى Alau.kz. وقيعا 16 قاڭتار كۇنى كەشكىسىن بولعان. كۋاگەرلەر حابارلاعانداي، اتىس ەكى سپورتشى جىگىتتەردىڭ ءوزارا كەلىسپەي قالۋىنان تۋىنداعان.
كۋاگەرلەردىڭ ايتۋىنشا، وق اتقان ادام ەكى ادامدى جارالاعان،. وقتىڭ ءبىرى جاپا شەگۋشىنىڭ يىعىن جارالاسا، ءبىرى باسىنا تيگەن.
بۇزاقىلىق ارەكەتتەرى ءۇشىن قوستانايدىڭ 19 جاستاعى تۇرعىنىنا بايلانىستى پوليسيا تەرگەۋ جۇمىستارىن جۇرگىزىپ جاتىر.
«كۇدىكتى قاماۋعا الىندى. قارۋ رەتىندە تراۆماتيكالىق قارۋدى پايدالانعان. ساراپتاما جۇمىستارى جۇرگىزىلىپ جاتىر. وقيعانىڭ ءمان-جايىن انىقتاۋ ءۇشىن تەرگەۋ جۇمىستارى جۇرگىزىلىپ جاتىر»، – دەپ مالىمدەدى قوستاناي وبلىسىنىڭ ءىىد-نىڭ باسپا ءسوز قىزمەتى.
پىكىر قالدىرۋ