نەسىبەلى يبراگيموۆا سۋ مەن نان ۇگىندىسىنىڭ ارقاسىندا امان قالعان. قىزدى اش قۇرساق قالدىرىپ، گوليانوۆوداعى ازىق-تۇلىك دۇكەنىندە ۇستاپ وتىرعان. بۇل تۋرالى informburo.kz حابارلايدى.

مامىر ايىندا قىز ماسكەۋدە اقشا تابۋعا جولعا شىعادى. وعان جاقسى جالاقى مەن ىڭعايلى ەڭبەك جاعدايلارىن ۇسىنادى. ءبىراق ىسكە كەلگەندە ءبارى باسقاشا بولىپ شىعادى. ماسكەۋگە كەلىسىمەن، ونىڭ قۇجاتتارى مەن تەلەفونىن تارتىپ الىپ، سۋپەرماركەتتىڭ ىشىنە جارتى جىلعا قاماپ قويادى.

نەسىبەلىگە ايىنا ءبىر رەت تۋىستارىنا حابارلاسۋعا رۇقسات بەرەدى. ول دۇكەن باسشىسىنىڭ قاتاڭ باقىلاۋىمەن ىسكە اسادى.

«مەنىڭ قۇجاتتارىم مەن زاتتارىمدى تارتىپ الىپ، بارلىق جۇگىمدى الىپ قويدى. وزىمە ءبىر عانا كيىم قالدىرۋعا رۇقسات بەردى. باسقا ەشتەڭە قالمادى. مەن كوكونىس بولىمىندە دەمالىسسىز جۇمىس ىستەي باستادىم. دۇكەننىڭ ىشىندە ۇيىقتاپ جۇردىك، تاماقتىڭ ورنىنا نان بەرەدى، سورپانىڭ ورنىنى سۋ بەرەدى. ونى دا تەز جەۋىمىز كەرەك. ۇنەمى تاياقتىڭ استىنا الادى»، – دەدى قىز.

نەسىبەلىمەن بىرگە قۇلدىقتا باسقا دا ادامدار قۇربان بولعان. دۇكەن يەسى ولاردى قاناپ، كەيبىر نارسەلەردى ولاردىڭ ەركىنەن تىس ىستەتۋگە ماجبۇرلەگەن.

«ءبىزدى اراق ىشۋگە ماجبۇرلەيتىن. ءىشىپ، ۇيىقتاپ قالاسىڭ، ءبارىن ۇمىتىپ كەتەسىڭ. دۇكەن يەسىنەن تانىسى مەنى كىم دەپ سۇراعان كەزدە، ءبارى كەتىپ قالدى، تەك جەزوكشەلەر قالدى دەپ جاۋاپ بەردى،– دەيدى نەسىبەلى.

قىزعا «ازاماتتىق كومەك» كوميتەتى مەن «التەرناتيۆا» بەلسەندىلەرى كومەكتەسكەن. ەندى ولار ءىستى سوتقا دەيىن جەتكىزۋگە تىرىسادى.

نەسىبەلى يبراگيموۆا بىرنەشە رەت قاشۋعا ارەكەت جاساسا دا، ونىسىنان تۇك شىقپاعان. قۇلدىقتان قۇتىلۋعا دۇكەننىڭ كليەنتى كومەكتەسكەن. دۇكەنگە كەلىپ جۇرگەن ايەل ادام نەسىبەلىگە كومەك كەرەك ەكەنىن بايقاپ، ونى مەتروعا دەيىن اپارعان. ءقازىر نەسىبەلى قازاقستاندا.