پاۆلودارلىق مەيرام ءبايىلدينوۆ تۋعان اعاسىنىڭ اياۋسىز ولتىرىلگەنى تۋرالى ايتىپ بەردى، - دەپ حابارلايدى Tengrinews.kz
ول Instagram جەلىسىنىدەگى ءوز پاراقشاسىندا ءمان-جايدى باياندادى.
قاتتى سوققىلاردان كوز ءجۇمعان جىگىتتىڭ ءولى دەنەسى لوموۆ كوشەسىندەگى پاتەرلەردىڭ بىرىنەن تابىلعان. "مەنى اعامنان ايىرعان ادام ونى ءوز پاتەرىندە شەگەسى شىعىپ تۇرعان تاياقپەن، بانكامەن ۇرىپ، توعىزىنشى قاباتتان ءبىرىنشى قاباتقا سۇيرەگەن. ءبىرىنشى قاباتقا ءتۇسىرىپ قايتا تەپكى استىنا الادى. كەيىن ليفتپەن ونى قايتا پاتەرىنە الىپ كىرىپ، ۇيىقتاپ قالعان. وسى كەزدە اعام ءالى ءتىرى ەدى، ول بولسا دارىگەرلەر شاقىرۋدى دا ويلاماعان. كەيىن ول ەكى كۇن قالانى شارلاپ، جۋىناتىن بولمەسىندە جاتقان ولىكتى تاستايتىن ورىن ىزدەگەن"، - دەيدى پاۆلودارلىق جىگىت.
جىگىت قىلمىستىق ءىستىڭ جەدەل قارالۋىنا رۇقسات بەرگەنى ءۇشىن قاتتى وكىنەدى ەكەن. "اعامنىڭ ءولىمىن ەستىپ، مەن ەسەڭگىرەپ قالدىم. مەن پوليسيا بولىمشەسىندە نە ىستەۋ كەرەگىن بىلمەدىم. ولار ماعان قول قويۋعا بەرگەن قاعازدار ىشىندە جەدەل سوت پروسەسىنە رۇقسات بولعان. بۇل قۇجات ءىستىڭ سوتتا قارالۋ مەرزىمىن ەكى ەسە قىسقارتىپ، ەڭ باستىسى - جازانى جەڭىلدەتەدى ەكەن. وسىلايشا، ول 12 جىل ورنىنا التى جالعا عانا سوتتالدى"، - دەيدى مەيرام ءبايىلدينوۆ.
پۆلودارلىق جىگىت ءىستىڭ قايتا قارالۋىنا قول جەتكىزبەك. "مەن ادامدى بوستاندىعىنان ايىرىپ جاتقانىمدى بىلەمىن، ءبىراق، ول مەنى اعامنان ايىردى. ال كەيىن ونىڭ قىزىنا اكەسىنىڭ ولاردى تاستاپ كەتپەگەنىن، ادام قولىنان ولگەنىن ايتۋ كەرەك بولامىن"، - دەيدى پاۆلودار تۇرعىنى. قازىرگى كەزدە سوت ءىستى تولىق قاراۋ تۋرالى ءوتىنىشتى قابىل العان.
22 جاستاعى ايىپتالۋشىنىڭ ءىسى سوتتا قارالىپ جاتىر.
27 جاستاعى رۋستام ءبايىلدينوۆتى تەپكى استىنا الىپ جاتقان ءسات ءتۇرعىن ءۇيدىڭ كىرە بەرىسىنە ورناتىلعان كامەراعا ءتۇسىپ قالعان. كوز جۇمعان ادام ايىپتالۋشىنىڭ ۇيىندە ۋاقىتشا تۇرىپ جاتقان بولاتىن. ونىڭ ارتىندا ايەلى مەن ءۇش جاستاعى قىزى قالدى.
