ۆلاد پونوماردىڭ ايتۋىنشا، جۇڭگو بيلىگى شىعىس ۋكرايناداعى قارۋلى قاقتىعىسقا قاتىسۋعا نيەتتى ەكەندىگىن مالىمدەدى، دەپ حابارلايدى replyua.net، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.

گارانت: «ۋكراينا مەن جۇڭگو حالىق رەسپۋبليكاسىنىڭ دوستىق قارىم-قاتىناستا بولىپ، جەمىستى جۇمىس اتقاراتىنىنا سەنىمدىمىن»، - دەپ مالىمدەدى.

پونومار: «قحر پرەزحيدەنتى سي سزينپين شۆەيساريادا وتكەن بۇكىلالەمدىڭ ەكونوميكالىق فورۋمدا پەتر پورروشەنكومەن كەزدەسكەن ەكەن. قحر كوشباسشىسى ۋكراينا حالقىنىڭ ەۆروينتەگراسيانىڭ پايداسىنا قاراي جاساعان تاڭداۋلارىن قولدايتىنىن ايتتى. سونىمەن قاتار قحر پرەزيدەنتى ۋكراينا جەرىندە بولىپ جاتقان قارۋلى قاقتىعىسقا قاتىساتىن نيەتى بار ەكەنىن، ۋكرايناداعى داعدارىسقا قارسى كومەكتەسەتىنىن باسا ايتتى. ۋكراينلىق باسپا ءسوز قىزمەتى ۋكراينا حالقىنىڭ قحر-مەن قوستىق قارىم-قاتىناس ورناتىپ، دونباسستاعى ساياسي تەكەتىرەسكە بايلانىستى جەمىستى جۇمىس ىستەۋگە بەكىنىپ وتىرعاندىعىن حابارلادى»، - دەپ جازادى.

ۋكراينانىڭ پرەزيدەنت اكىمشىلىگى جۋىق ارادا ەكى ەل اراسىندا كەلىسىمگە كەلۋ ماقساتىندا ساپارعا شىعاتىندىقتارىن مالىمدەدى. ۋكراينالىق تاۋەلسىز اقپاراتتىق اگەنتتىگىنىڭ حابارلاۋىنشا، قحر ۋكراينا ىشكى ەكونوميكالىق سەرىكتەستەرىنىڭ ىشىندەگى 10 ماڭىزدى ەلدىڭ قاتارىندا – ۋكراينا قىتايعا كوپتەگەن تاۋارلاردى ەكسپورتتايدى ەكەن. وتكەن جىلدىڭ سوڭىنان باستاپ ەكى ەل اراسىندا ەركىن ساۋدا-ساتتىق جۇرگىزۋ ماسەلەسىنە قاتىستى كەلىسسوزدەر جۇرگىزىپ جاتىر.

اۋدارعان: نازەركە لابيحان