قازاقستاننىڭ سولتۇستىك ايماعىندا جاڭا ەميگراسيالىق تولقىن باستالدى دەپ حابارلايدى ratel.kz، مالىمەتتىڭ قازاقشا نۇسقاسىن "قامشى" پورتالى وقىرمان نازارىنا ۇسىنادى.

پاۆلودار وبلىسىنىڭ تۇرعىندارى وتباسىلارىمەن بىرگە رەسەيگە كوشۋ ۇدەرىسى كەڭ ەتەك جايا باستادى. رف ەلشىلىگىنىڭ الدىندا كەزەكتە تۇرعان ادامداردىڭ قاراسى كۇننەن-كۇنگە ارتىپ بارادى، ولار "وتانداستاردى كوشىرۋ" باعدارلاماسىمەن كوشۋ ءۇشىن ەكى اي بۇرىن كەلىپ تىركەلۋى قاجەت ەكەن.

پاۆلودار وبلىسى ەلىمىزدەگى دامىعان ورتالىقتاردىڭ ءبىرى جانە بۇل وڭىردە جوعارى ستاندارتتى ءومىردىڭ بار بولعاندىعىنا قاراماستان، قالاداعى تۇرعىن ۇيلەردىڭ باعاسى ارزانداپ بارا جاتىر.

جەرگىلىكتى بانكتەر يپوتەكا بەرۋدى دوعارعاندىقتان ەمەس، باعانىڭ ارزانداۋى، نەگىزىنەن، ەميگراسيالىق پروسەسپەن بايلانىستى.

جىلجىمايتىن مۇلىك ساتۋدى جاريالايتىن «كرىشا» سايتى قازاقستانداعى تۇرعىن ءۇي ساۋداسىنا اناليز جاساپ، تاراز، اقتوبە قالالارىمەن قاتار پاۆلوداردى دا ارزان ءۇي ساتىپ الۋعا مۇمكىن وڭىرلەردىڭ قاتارىنا قوستى.

اتالمىش ماسەلەگە بايلانىستى پاۆلوداردا ءۇي ساتۋ قيىن بولىپ وتىر. سول سەبەپتى دە، كوشىپ كەتۋشىلەردىڭ كوپشىلىگى رسەسيلىك قالالارداعى جىلجىمايتىن مۇلىكپەن اۋىستىرۋعا حابارلاندىرۋ بەرىپ جاتىر.

«پاۆلودار قالاسىنداعى پاتەرىمدى نوۆوسيبيرسكىدەگى زاەلسوۆ اۋدانىنداعى پاتەرمەن اۋىستىرامىن نەمەسە ساتامىن. ءۇيدىڭ ماڭىندا مەكتەپ، دۇكەن بار...»، - دەگەن سياقتى حابارلاندىرۋلار گازەت بەتتەرىندە كوبەيىپ كەتكەن.

وبلاس تۇرعىندارى پاتەرلەرىن ومسك، بارناۋل، كراسنودار، تۇمەن، بەلگورود، ەكاتەرينبۋرگ، چەليابينسك، كالينينگراد قالالارىنداعى پاتەرلەرمەن اۋىستىرۋعا دايىن وتىر.

ءتىپتى، رسەسەيلىك قۇرىلىس كومپانيالارى سولتۇستىك قازاقستان تۇرعىندارىنىڭ جاپپاي حابارلاما بەرگەندەرىنە تاڭقالىپ، وزدەرىنىڭ جاڭا جوبالارىن پاۆلودارلىقتارعا تانىستىرىپ، پاتەر ساتىپ الۋلارىنا كەڭەس ءبىلدىرىپ جاتىر.

كوشى قون پوليسيا قىزمەتكەرلەرىنىڭ ايتۋىنشا، سولتۇستىك قازاقستان وبلىسىنىڭ باسىم كوپشىلىگى رەسەيگە قونىس اۋدارادى.

جاڭا ەميگراسيا تولقىنى بەس جىل بۇرىن باستالىپ، جىلدان جىلعا كولەمى ارتىپ كەلە جاتقان كورىنەدى.

2010 جىلى 2503 ادام رەسەيگە كەتكەن، ال 2016 جىلى 4204 تۇرعىن قازاقستان ازاماتتىعىنان باس تارتقان ەكەن.

بەس جىلدىڭ ىشىندە رەسەيگە 20 مىڭنان استام ادام قونىس اۋدارعان.

پالودار ىشكى ىستەر دەپارتامەنتى سوڭعى 16 جىلداعى كوشى قون قۇجاتتارىن كورسەتتى.

رەسمي قۇجاتتاردا كورسەتىلگەندەي، رەسەيگە جاپپاي قونىس اۋدارۋ 2004 جانە 2008 جىلداردا بولعان ەكەن.

كوشى قون پوليسياسى قانداي مامانداردىڭ كەتىپ جاتقاندارىنا قارامايدى، تەك كىمدەر جانە قانشا ادام قونىس اۋدارىپ جاتقاندىعىن تىركەيدى. الايدا، قونىس اۋدارۋ باعدارلاماسى بويىنشا رەسەي كىمدەردى قابىلداپ جاتقاندىعى بەلگىلى.

كوشىپ جاتقانداردىڭ كوبىسى جوعارى ءبىلىمدى ادامدار. سەبەبى، رەسەيدە ينجەنەر، دارىگەر، ءمۇعالىم جانە بىلىكتى جۇمىسشىلارعا سۇرانىس بار ەكەن.

ءبىلىم بەرۋ باسقارماسىنىڭ ايتۋىنشا، ءبىزدىڭ كادرلار – باسەكەگە قابىلەتتى ماماندار.

پاۆلودار زاۋىتتارىنىڭ باسشىلارى بىلىكتى مامانداردىڭ كەتىپ جاتقاندارىنا بىرنەشە رەت شاعىم تۇسىرگەن. دارىندى جۇمىسشىلاردى ەلدە قالدىرۋ ماقساتىندا زاۋىتتار تۇرعىن ۇيلەر سالىپ، جەڭىلدىكپەن پاتەر الۋعا ۇسىنىس تا بىلدىرگەن.

الايدا بۇل جاسالىنىپ جاتقاندار جەتكىلىكسىز، بىلىكتى مامانداردىڭ كوبىمسى وزگە ەلگە قىزمەت ەتۋگە كەتىپ جاتىر.

اۋدارعان: نازەركە لابيحان