مادەنيەت جانە اقپارات ءمينيسترى داۋرەن ابايەۆ الەۋمەتتىك جەلىدە جۇڭگو ازاماتتارىمەن باس قۇراعان قازاق قىزدارى مەن قىتايدان قىز العان قازاقستاندىقتار تۋرالى دەرەكتى جاريالادى دەپ حابارلايدى "قامشى" پورتالى.

"جۇمىس بارىسىندا ستاتيستيكا كوميتەتىنىڭ مىناداي ءبىر دەرەكتەرىن كەزدەستىردىم. جالپى، بۇل سيفرلار وسىعان دەيىن فەيسبۋكتە قىزۋ تالقىلانعان ماسەلەگە قاتىستى بولعاندىقتان، وقىرماندارىما ماڭىزدى بولار دەپ ويلايمىن.

قاراپ وتىرساق، 2010 جىلدان باستاپ 2016 جىلعى ءساۋىر ايىنا دەيىن قحر ازاماتتارىنا 253 قازاقستاندىق تۇرمىسقا شىققان كورىنەدى. سونىڭ ىشىندە، 190 قازاق قىزىن قىتايدا تۇراتىن ءوز قانداستارىمىز، ياعني قازاق جىگىتتەرى جار ەتكەن. وسى ۋاقىت ىشىندە، ياعني التى جىلدا ەتنيكالىق قىتايلارمەن نەكەگە تۇرعان قىزدار سانى – نەبارى 34.

ال، وسى كەزەڭ ىشىندە قازاقستاننىڭ 277 ازاماتى قحر قىزدارىنا ۇيلەنگەن. سونىڭ ىشىندە 244ء-ى - قىتايدا تۇراتىن قازاق قىزدارىمەن باس قۇراعان قازاق جىگىتتەرى."، - دەپ جازدى مينيستر ءوز پاراقشاسىندا.

ايتا كەتەر بولساق، جىل باستالعالى بەرى قازاقستاندا "جۇڭگو كۇيەۋلەر" تاقىرىبى قاتتى تالقىلانىپ كەتكەن ەدى.