تەڭىز تولقىپ، اسپانداپ داۋىسىنان،

اقىلدى سەزىم جەڭىپ باعىتىنان...

ميللياردتى كەتكەندەي تولقىن سوعىپ!..

الپىس ەكى تامىردا اعىتىلعان!

كوتەرگەن قازاق داۋىسىن دارا شىڭعا،

سۇڭقار مەن قىرانداردىڭ اراسىندا.

چاڭشادا بار الەمدى جالت قاراتىپ...

عاسىردىڭ قالىپ قويدىڭ ساناسىندا!

اسپاننىڭ اۋدارىلىپ ءبىر تاباعى...

كەۋدەمدە دىردەكتەيدى جىر پاراعى!

كوگىلدىر كوكجيەكتى انمەن ءسۇزىپ...

كوز ءبىتتى كورمەستەرگە سۋ قاراڭعى...

عارىشتان قۇيىلعانداي ەگىستىككە،

قايتادان كوتەرىلىپ كەڭىستىككە!

بۇلتتاي ۇشىپ ءجۇرسىڭ كوكجيەكتە،

بۇلا ءتۇن كوتەرگەندەي تەرىستىكتە!

ويانعانداي تەڭىزدىڭ شۋىلىنان...

تەربەلگەندەي قىراننىڭ سۋىلىنان...

تولقىعانداي سەزىمنىڭ بوياۋىنان،

جىلىنعانداي جۇلدىزدىڭ جىلۋىنان!

تەربەتىلىپ سانانىڭ اعىسىنان،

قۇيىلعانداي قازاقتىڭ شابىتىنان،

دۇنيەنىڭ كوزىندە قانات قاعىپ،

بوستاندىقتىڭ ءۇنىسىڭ اعىتىلعان!

اقىلدىڭ قوناقتادىڭ پاراعىنا...

ماسايتىپ دۇنيەنى شارابىڭا...

الاشتىڭ ءان ساتىسىن تىك كوتەرىپ...

الەمدى تەربەپ تۇرسىڭ شاناعىڭدا!!!

سەرىك بوقان