ق ر پرەمەر-مينيسترى باقىتجان ساعىنتايەۆ ۇكىمەت وتىرىسى بارىسىندا قازاقستاندا كومىر حيمياسى سالاسىن ودان ءارى دامىتۋ بويىنشا ءبىرقاتار تاپسىرمالار بەردى
ۇكىمەت وتىرىسى بارىسىندا قازاقستاننىڭ كومىر حيمياسى سالاسىنىڭ جاي-كۇيى تۋرالى ەسەپ، سونداي-اق ونى ودان ءارى دامىتۋ بويىنشا ۇسىنىستار تىڭدالدى.
ق ر پرەمەر-مينيسترى ب.ساعىنتايەۆ پاۆلودار وبلىسىنىڭ اكىمى ب.باقاۋوۆتى، قاراعاندى وبلىسىنىڭ اكىمى ن.ابدىبەكوۆتى، رەسپۋبليكالىق تاۋ-كەن ءوندىرۋ جانە تاۋ-كەن مەتاللۋرگيالىق كاسىپورىندار قاۋىمداستىعىنىڭ ديرەكتورى ن.رادوستوۆەستى، «قازترانسگاز» اق باس ديرەكتورى ر.سۋلەيمانوۆتى، كومىر حيمياسى جانە تەحنولوگيالارى ينستيتۋتىنىڭ ديرەكتورى ب.ەرماعامبەتوۆتى تىڭدادى.
ق ر پرەمەر-مينيسترىنىڭ ءبىرىنشى ورىنباسارى ا.مامين وسى سالاداعى، ونىڭ ىشىندە كورشىلەس ەلدەردىڭ نارىقتارىندا ورىن الىپ وتىرعان قۇبىلىستاردى ەسكەرۋ قاجەتتىگىن اتاپ ءوتتى.
«بىزگە جاڭا نارىقتار بويىنشا قاراۋ كەرەك، وسىعان بايلانىستى جاڭا لوگيستيكا، ءتيىمدى لوگيستيكالىق شەشىمدەر، مۇنىڭ ءبارى ەكسپورتتىق الەۋەتىمىزدى جوعالتىپ الماۋىمىز ءۇشىن جۇمىس ىستەۋى ءتيىس»، - دەدى ا.مامين.
وسى ورايدا، پرەمەر-مينيستر ا.مامينگە اتالعان ماسەلەلەردى شەشۋ بويىنشا ۇسىنىستار ازىرلەپ، بۇل جۇمىستى جالپى ۇيلەستىرۋدى جۇزەگە اسىرۋدى تاپسىردى. سونداي-اق ب.ساعىنتايەۆ كومىر وندىرىلەتىن ورىنداردا ەكولوگيالىق قاۋىپسىزدىكتى قامتاماسىز ەتۋ ماسەلەسىنە نازار اۋدارۋدى تاپسىردى.
