كاسىپقوي بوكسقا شولۋ جاساپ، تىڭ اقپاراتتار جازاتىن Boxing Legends TV تۆيتتەر-اككاۋنتى بيىل جازدا گەنناديي گولوۆكين – بيللي دجو سوندەرس جەكپە-جەگى قازاقستاندا ءوتۋى مۇمكىن ەكەنىن ءمالىم ەتتى، دەپ حابارلايدى prosports.kz

«بيللي دجو سوندەرستىڭ گەنناديي گولوۆكينگە قارسى جەكپە-جەگى جازدا قازاقستاندا وتەدى دەپ جوسپارلانۋدا»، - دەپ حابارلامادا جازىلعان.

«سوندەرس دجەيكوبس – GGG جۇبىنىڭ جەڭىمپازىمەن كەزدەسەدى دەپ حابارلايتىن شىعار. ءبىراق قارجىسى، وتەتىن ورنى جانە تاعى باسقالارى كەلىسىلدى»، - دەلىنگەن.

ەگەر بۇل اقپارات راستالسا، جەكپە-جەك استانادا ەكسپو-2017 اياسىندا ءوتۋى ىقتيمال.

ورتا سالماقتا WBO تۇجىرىمى بويىنشا الەم چەمپيونى اعىلشىن بوكسشىسى بيللي دجو سوندەرس (24-0، 12 كو) وسى سالماقتاعى WBA (Super)، IBO، WBC جانە IBF تۇجىرىمدارى بويىنشا الەم چەمپيونى قازاقستاندىق گەنناديي گولوۆكينمەن (36-0، 33 كو) جازدا قازاقستاندا جەكپە-جەك وتكىزۋگە كەلىسكەن. سوندەرس Boxing News باسىلىمىنا بەرگەن سۇحباتىندا گولوۆكيننىڭ قارسىلاستاردى «تاپتاپ» جۇرگەنىنەن قورىقپايتىنىن مالىمدەدى. بۇل تۋرالى تengrinews.kz حابارلايدى. 

«مەن وسى كۇنگە دەيىن جۇرەكسىنبەي گولوۆكينمەن جۇدىرىقتاسا الاتىن ادامدى كورمەدىم. گولوۆكين قارسىلاسىن سوققىعا جىقسا، ولار بىردەن جەڭىلىپ، بەرىلە سالادى. ءبىراق ول مەنى مۇنىمەن قورقىتا المايدى، راس ايتامىن. مەن ونى قاشىقتىقتا ۇستاپ تۇرۋعا تىرىسامىن. دەگەنمەن ول مەنى قورقىتا المايدى. مەنىڭشە، گولوۆكين – عالامشار بويىنشا ۇزدىك بوكسشى، ءبىراق مىقتى بوكسشى اتانۋ ءۇشىن مىقتىلارمەن جۇدىرىقتاسۋ كەرەك. ول ماعان كەرەك ادام»، - دەدى سوندەرس.

الايدى، ورتا سالماق بويىنشا WBA الەم چەمپيونى گەناديي گولوۆكين بيللي دجو سوندەرستىڭ شىنىمەن ونىمەن جۇدىرىقتاسقىسى كەلەدى دەگەنىنە سەنبەيدى، دەپ جازادى sports.kz

«بيللي دجو سوندەرس مەنىمەن جەكپە-جەككە شىققىسى كەلەدى دەگەنى قالجىڭ، ول مۇنى ازىلدەپ ايتقان. مەن «كانەلومەن» سىنعا ءتۇسىپ، كوپ كەزدەسۋلەر وتكىزگىم كەلەدى. الايدا، باسقا بوكسەرلەرمەن جۇدىرىقتاسۋعا دا دايىنمىن.

ءبىزدىڭ جەكپە-جەك – دومەنيك ۋەيد ءۇشىن ۇلكەن مۇمكىندىك. مەن ءوزىمنىڭ چەمپيون بووعانعا دەيىنگى كەزدە نە سەزىنگەنىمدى بىلەمىن، سول سەبەپتى دە ول بۇل كەزدەسۋگە ەرەكشە دايىندالىپ جاتقانىن جانە دە قالاي دا جەڭىسكە جەتەمىن دەپ تۇرعانىن بىلەمىن»، - دەيدى قازاقستاندىق سپورتشى.