"دۋنفەن-41" (Dongfeng-41، DF-41) جۇڭگو قۇرلىق ارالىق راكەتالار بريگاداسىنىڭ ءبىرى رەسەيمەن شەكارالاس حەيلۋنسزيان ەلدى مەكەنىندە ورنالاستىرىلعان بولۋى مۇمكىن. بۇل تۋرالى Kaz.tengrinews.kz حابارلادى. مالىمەتتەر گونكونگتىڭ "پينگو جيباو" (Apple Daily) گازەتىندەگى اقپاراتقا نەگىزدەلگەن.
قىتايدىڭ حالىق-ازاتتىق ارمياسىنىڭ "دۋنفەن-41" راكەتالارى بار ءۇش بريگادانى ورناتاتىنى حابارلانىپ وتىر. بولىمشەلەردىڭ ءبىرى حەنان ورتالىق پروۆينسياسىنداعى سينيان قالاسىندا ەكەن. راكەتەلاردىڭ شەكاراعا قويىلۋ سەبەبى ايتىلمايدى.
ال ەكىنشى بريگادا حەيلۋنسزيان پروۆينسياسىنداعى داسين قالاسىندا، ءۇشىنشىسى قىتايدىڭ سولتۇستىك-باتىسىنداعى ۇيعىر اۋدانىندا ورنالاسقان شىڭجاڭدا ورناتىلۋى ءتيىس بولعان دەلىنەدى. ايتا كەتەيىك، "دۋنفەن-41" راكەتاسىنىڭ ۇشۋ قاشىقتىعى 14 مىڭ شاقىرىمعا جەتەدى.
