سۋرەتشى، يلليۋستراتور مۇرات ديلمانوۆ ءانشى ءقىدىرالى بولمانوۆقا جاساعان كاريكاتۋراسىندا ونى قورلايتىن ەشتەڭە جوق ەكەنىن ايتادى.

ءانشى الماتىلىق سۋرەتشى مۇرات ديلمانوۆتىڭ ەڭبەگىن باعالامادى. سۋرەتشى كاريكاتۋرانى قاڭتار ايىنىڭ باسىندا ءوزىنىڭ Facebook پاراقشاسىنا جاريالاعان ەدى.

سۋرەتتە ءقىدىرالى بولمانوۆقا ۇقسايتىن ەر ادام بەينەلەنگەن. ول كەرۋەتتە ويلانىپ وتىر. كاريكاتۋرادا بىرەۋ وعان «ۇيىقتا! ۋاقىتشا تىركەۋدىڭ ساعان قاتىسى جوق!» دەپ ايتىلعانى انىق كورسەتىلگەن. ءوز كەزەگىندە ەر ادام «بارلىق ءۇمىت مەن دە!...» دەپ ايتادى.

يلليۋستراسيا اۆتورى ءبىزدى وتكەن جىلدا بولعان وقيعاعا الىپ كەلەدى. ءانشىنىڭ ايەلى جانە پروديۋسەرى كۇيەۋىنە توقال سىيلاعىسى كەلەتىنىن ايتىپ، حالىقتى تاڭ قالدىرعان ءساتتى ەسكە سالادى.

باسىندا بولمانوۆ ماسەلە توقال جونىندە ەمەس، جاڭا كولىك ەكەنىن ايتۋعا اسىقتى. ودان كەيىن كەنەتتەن حالىقتىڭ نازارىن جەر داۋىنان  باسقاعا اۋدارىعىسى كەلگەنى تۋراسىندا مالىمدەمە جاسادى. وسىدان كەيىن حالىق اراسىندا ول قىزۋ تالقىلانىپ، مىسقىل ماندەگى اڭگىمەگە ارقاۋ بولدى.

ءقىدىرالى بولمانوۆ اتىنان نارازىلىقتى ونىڭ ادۆوكاتى امانبول ابەۋوۆ ءبىلدىردى. اتالمىش كاريكاتۋرا ءانشى ءۇشىن قورلاۋمەن ءبىر ەكەنىن جەتكىزدى.

بۇل جاعدايدا ءقىدىرالى بولمانوۆتىڭ بالالارىنا مورالدىق شىعىن تۋرالى جانە جەكە ومىرگە ارالاسۋ تۋرالى ايتىلۋى مۇمكىن.

سۋرەتشىنىڭ ءوزى سۇحباتىندا ايىپتاۋلارمەن كەلىسپەيىنىن جەتكىزدى جانە ءوز جۇمىسىندا ادامدى قورلايتىن ەشتەڭە بايقاماعانىن ايتادى.

مۇرات، ءسىزدى سوتقا بەرمەكشى. ادۆوكات ىزدەپ جاتىرسىز با، الدە بىرەۋمەن كەڭەسىپ ۇلگەردىڭىز بە؟

ادۆوكاتتاردى مەن ىزدەپ جۇرگەنىم جوق جانە ىزدەمەيمىن دە. سونىمەن قاتار، زاڭگەرلەرمەن كەڭەسپەدىم. ياعني ەشقانداي قاربالاس جوق. ماسەلەنى بايىپتى تۇردە شەشەمىن.

كاريكاتۋراداعى كىم ەكەنىن ايتا الاسىز با؟

وندا ءقىدىرالى بولمانوۆقا ۇقسايتىن ادام بەينەلەنگەن. ءقازىر تەك وسىنى عانا ايتا الامىن.

ءانشىنىڭ ادۆوكاتى جۇمىسىڭىزدا ادامدى قورلايتىن ءمان جاتقانىن ايتادى؟

مەن ولاي ويلامايمىن. مۇنى دالەلدەۋ كەرەك. مەن كاريكاتۋرانى «قازاقستاننىڭ تاعدىرىنا الاڭداپ وتىرعان ادام» دەپ اتاعانمىن.

كاريكاتۋرا ءحوببيىڭىز بە؟

ءيا، بۇل مەنىڭ كاسىبىم ەمەس. مەن يلليۋستراتور، كاسىبي سۋرەتشىمىن. ال كاريكاتۋرا قىزىعۋشىلىعىم، ەلدەگى بولىپ جاتقان وقيعالارعا قاتىستى ءوزىمنىڭ ازاماتتىق كوزقاراسىمدى ءبىلدىرۋ ءادىسى. ۋاقىتشا تىركەۋ تۋرالى زاڭ كوڭىلىمنەن شىقپايدى. ونى ادامدارعا كۇشتەپ ەنگىزدى. مەن ءوز پوزيسيامدى مىسقىل رەتىندە جەتكىزدىم. ول بىرەۋدىڭ ار وجدانىنا ءتيىپتى. شىن ايتايىن، مۇنداي رەاكسيانى كۇتپەدىم.

ارقا تۇسىنداعى ايەل تۋراسىندا ءانشىنىڭ سۇراقتارى بار ەكەن. ونىڭ ءوز بولجامدارى دا بار. ءسىز نە ايتاسىز؟

مەنىڭ ويىمشا، بۇل جاي عانا جورامال. ونى قىز دەپ اتاۋعا كەلمەيدى. سەبەبى وندا گەندەرلىك ەشتەڭە جوق. ونى ەر دام دەۋگە دە كەلمەيدى. ونى تەك «ارقا» دەپ اتاۋعا عانا بولادى. دۇرىسى – «جارىق داعى» دەۋ قاجەت.

ءسىزدىڭ اتاقتى ۇياتمەنىڭىز بىرنەشە كاريكاتۋراعا ارقاۋ بولدى. ءقىدىرالى بولمانوۆقا ۇقسايتىن ادامدى باسقا دا كاريكاتۋراعا قوسۋ ويىڭىزدا بار ما؟

جوق، اتالمىش كاريكاتۋرا كەيىپكەرىنىڭ تاريحىن جالعاستىرمايمىن. مەن ونى جاساۋدى ويلاماعانمىن، جاسامايمىن دا.

ءسىز نارازىلىقتان حاباردارسىز. سىزبەن بىرەۋ بايلانىستى ما؟

ءيا، سوتقا دەيىنگى نارازىلىق ەسكەرتۋ قاعازى كەلۋ كەرەك. ءبىراق ماعان ءالى كەلمەدى. مەنىمەن ەشكىم بايلانىسپادى دا.

ءسىزدىڭ ەڭ العاشقى رەاكسياڭىز: «كەشىرىم سۇرامايمىن» بولدى. بۇل شەشىمىڭىز ءالى دە ءوز كۇشىندە مە؟ الدە بىردەڭە وزگەردى مە؟

بىردەڭە وزگەرەمە، جوق پا ونى بىلمەيمىن. ءبىراق مەن بىلاي دەدىم: «ءوز شىعارماشىلىعىم مەنىڭ جاۋاپكەرشىلىگىمدە جانە ول ءۇشىن مەن كەشىرىم سۇرامايمىن. سەبەبى كاريكاتۋرادان ادامدى قورلايتىنداي ەشتەڭە كورىپ وتىرعانىم جوق».

ءانشىنىڭ ادۆوكاتى ءقىدىرالى بولمانوۆ سىزبەن كەزدەسكىسى كەلەتىنىن ايتتى. ءسىز ونىمەن جۇزدەسۋگە دايىنسىز با؟

ءيا، ارينە. دايىنمىن.

ورىن العان جاعداي تۋرالى نە ويلايسىز؟

بۇل كاريكاتۋريست ءۇشىن  قالىپتى جاعداي. تىڭ ەشتەڭە بولمادى.

دەمەك، جۇمىستارىڭىز بىرەۋگە ۇناماعان جاعدايلار ءجيى بولىپ تۇرادى عوي؟

جوق، مەن بۇعان بويىمدى ۇيرەتىپ ۇلگەرمەدىم.