اتىراۋعا، راxىمجان وتاربايەۆتىڭ تەاتر فەستيۆالىنە بارعان كەزدە عوي. قوناقتاردىڭ ءبىرازى جايعاسقان «قازاقستان» قوناقۇيىندە تاڭعى اس ءىشىپ وتىرعانبىز. ەسمۇحان وبايەۆ داستارحان باسىنداعىلارعا ءبىر سۇراق قويدى: «ءبارى «گاي» -گە پارا بەرەدى عوي، ال سول جول پوليسياسىنىڭ وزىنەن پارا العان جالعىز ادام بار. بىلەسىڭدەر مە كىم؟» ءبارىمىز قىزىعا سونىڭ اۋزىنا قاراپ قالىپپىز. ءسويتتى دە ءوزى اڭگىمە باستادى: «ءبىر كۇنى اسەكەڭ (اشيموۆ) ەكەۋمىز جولعا شىقتىق، مەنىڭ ماشينەممەن. ول الدىندا وتىرعان. شىمكەنتكە 10 كم-دەي جەتپەيتىن جەردە بولسا كەرەك، «گايشنيك» توقتاتتى. شوپىر جىگىت قۇجاتتارىن الىپ تۇسكەلى جاتىر ەدى، اسەكەڭ "تۇسپە، ءوزى كەلسىن!" دەپ شىعارماي قويدى. سودان انا «گايشنيك» كەلدى، زىڭگىتتەي ءداۋ بىرەۋ ەكەن، داۋسى گۇرىلدەپ ەندى فاميلياسىن ايتىپ «چەست» بەرىپ جاتقاندا اسەكەڭ: ء-اي، نە بولدى، اكەڭ ءولدى ما؟- دەپ جەكىپ تاستادى. (ءاسانالى اعايدىڭ داۋسى دا زور عوي - ا.س) 
انا ءداۋ شوشىپ كەتتى. ءاسانالى ءاشىموۆتى ءبىر جەردەن كورگەنىن بىلەدى. تانىس ءجۇز. تەك ناقتى ەسىنە تۇسىرە الماي ەسەڭگىرەپ تۇردى دا قالدى. ەندى «اعا» دەي بەرىپ ەدى، اسەكەم قايتادان: - اعانى قوي، «پو دولجنوستي»! بۇگىن قانشا اقشا تاپتىڭدار؟ كورىپ كەلە جاتىرمىن، مەنىڭ الدىمدا ءۇش ماشينە توقتاتتىڭ. - دەپ تىعىرىققا تىرەپ تاستادى.

اقتالا الماي ساسقان «گايشنيگىم»: - مىنە، بارى 1500 تەڭگە عانا. باسقا جوق اعا. - اكەل بەرى، - دەپ اسەكەڭ الىپ قويدى دا، - اناۋ ارتتا وقۋشىلار مىنگەن اۆتوبۋستى توقتاتپا، ىشىندە مەنىڭ نەمەرەلەرىم بار. قايتا «سوپروۆوجدەنيەمەن» اپارىپ تاستاڭدار! -دەدى. - قۇپ بولادى، اعا-نى ايتىپ ۇلگەرىپ ەسەڭگىرەگەن كۇيدە اناۋ قالدى.

ءسويتىپ ءجۇرىپ كەتتىك. اسەكەڭ ماعان كۇلىپ قاراپ: - كوردىڭ با، بارلىعىڭ «گاي» - گە پارا بەرەسىڭدەر، ال «گاي» -دەن پارا العان جالعىز ادام اشيموۆ!» دەپ جازىپ قوي، - دەدى».
ەسمۇxان اعانىڭ ادەمى ەستەلىگىنە ءبارىمىز دۋ كۇلدىك. 

اباي تىلەنشييەۆتىڭ facebook پاراقشاسىنان الىندى