پروكۋرورلاردىڭ شۇعىل تەكسەرىستەرى ناتيجەسىندە، مۇگەدەكتەر مەن ناۋقاستارعا دەگەن نەمقۇرايلى ارەكەتتەر اشكەرە بولدى. ونى وزگە ەمەس، سول قارتتار ءۇيىنىڭ قىزمەتكەرلەرىنىڭ وزدەرى ۇيىمداستىرعان، دەپ حابارلايدى ەۆرازيا ءبىرىنشى ارناسى.
بۇدان وزگە، قاريالار تەگىن بەرىلەتىن جاڭا كيىم-كەشەكتەردىڭ ورنىنا، قايتىس بولعان پاسيەنتتەردىڭ ەسكى-قۇسقى كيىمدەرىن كيىپ كەلگەن.
بويىن ابدەن ۇرەي بيلەگەن اجەي، جىلدار بويى شىندىقتى ىشىنە بۇعىپ كەلىپتى. مەكەمە قىزمەتكەرلەرى جايلى تەرىس پىكىر ايتۋدان جاسقانادى. ىشتەگى سىردى تەك تەكسەرىسپەن كەلگەن پروكۋرورلاردىڭ بىرىنە عانا جايىپ سالدى.
ءبىراق، مەكەمە قىزمەتكەرلەرىنىڭ ايتارى باسقا. وزدەرىنە باعىتتالعان سىنمەن كەلىسپەيدى. ايتۋلارىنشا كوكونىستەردىڭ ءبارى دە جەۋگە جارامدى. سوندىقتان دا ءدال وسى ازىق-تۇلىكتەردەن اۋىر ناۋقاستارعا ءتۇرلى تاعامدار ازىرلەنىپ كەلگەن.
ەڭ سوراقىسى، «اس ءۇي» دەپ اتالاتىن بولمەدەن كەمىرگىشتەرگە ارنالعان ۋ، ال تاعامدارىنان ىشەك تاياقشالارى تابىلدى. زەرتتەۋ قورىتىندىلارىنا سايكەس، بارلىق پاسيەنتتەر استان ۋلانعان بولىپ شىقتى. ءبىراق، ناۋقاستاردىڭ بىرىنە دە دەر كەزىندە قاجەتتى ەم-شارا تاعايىندالماعان. مەكەمە باسشىلارى وسىلايشا، مۇگەدەكتەرگە تيەسىلى دارىلىك زاتتار ەسەبىنەن قارجى ۇنەمدەمەك بولعان. ال، اۋرۋى اسقىنىپ، قايتىس بولعان قارتتارعا قاتىستى دەرەكتەر بۇگىنگە دەيىن جابىق كۇيىندە قالعان.
«قايتىس بولعاندىعى تۋرالى انىقتامانى مۇگەدەكتەر ءۇيىنىڭ وزدەرى دايىندايدى. مۇندا كوز جۇمعان مارقۇمداردىڭ ەشبىرىنە ءولىم سەبەبىن انىقتايتىن سوت-مەديسينالىق ساراپتاما جۇرگىزىلمەگەن. وسىلايشا، كەز كەلگەن قىلمىس جابۋلى كۇيىندە قالىپ كەلگەن» — وبلىستىق پروكۋراتۋرا باسقارماسىنىڭ باسشىسى ءسابيت شەمبەكوۆ.
ينتەرنات جەتەكشىسى مەكەمەگە تاعىلعان ايىپپەن كەلىسپەيدى. ايتۋلارىنشا، جاعىمسىز جايتتاردىڭ ءبارى دارىگىرلەر قاتەلىگىنەن بولعان. سونداي-اق، جالاقى تومەندىگىنە بايلانىستى بىلىكتى ماماندار تاپشى كورىنەدى. سوندىقتان «اق حالاتتىلاردىڭ بارلىعى «تاجىريبەسىز ستۋدەنتتەر» — دەيدى.
«بارىنە دارىگەرلەر كىنالى. بىزدە اق حالاتتىلار وتە تاپشى. پسيحياتر، نيەۆروپاتولوگتار جارتى ستاۆكاعا عانا كەلەدى.اقىر سوڭىندا وقۋدى جاڭادان بىتىرگەندەردىڭ بىلىكسىزدىگى ءۇشىن مەكەمە جەتەكشىسى رەتىندە مەن كىنالى اتانىپ شىعا كەلەمىن» — پسيحونيەۆرولوگيالىق ينتەرناتتىڭ ديرەكتورى گۇلسارا ەگەنبايەۆا.
دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مالىمەتىنشە، پسيحونيەۆرورگيالىق ينتەرناتتار پاسيەنتتەردىڭ بارلىق تۇرمىستىق قاجەتتىلىكتەرىن وبلىستىق بيۋدجەت ەسەبىنەن قامتاماسىز ەتۋى ءتيىس. بۇعان قوسا، ناۋقاستارعا ەستۋ اپپاراتتارى، كوزىلدىرىك جانە ورتوپەديالىق ونىمدەر تەگىن بەرىلۋى قاجەت. دەگەنمەن، باقىلاۋ ورگاندارىنىڭ بۇل تەكسەرىسىنەن سوڭ ءبىرقاتار قىزمەتكەرلەر جازاسىن الدى. وبلىس بويىنشا الەۋمەتتىك-مەديسينالىق مەكەمەلەردىڭ 18 جەتەكشىسى قىزمەتىنەن بوساپ، 73 ادام جازاسىن الدى. بۇعان قوسا، ولقىلىقتاردى رەتتەۋ ماقساتىندا بيۋدجەتتەن 2 ملرد تەڭگە بولىنبەك.
