برازيليانىڭ سان-پاۋلۋ شتاتىنداعى «باۋرۋ» تۇرمەسىندە بۇلىك شىعىپ، 200 ادام قاشىپ كەتكە دەپ حابارلايدى 24.kz.
وقيعا تاڭعى ساعات 08:00-دەن كەتە باستالعان. تۇتقىنداعىلار تارتىپسىزدىك كەزىندە قاساقانا قويىلعان ءورتتى پايدالانعان. پوليسيانىڭ حابارلاۋىنشا، ساقشىلار 79 ادامدى بىردەن ۇستاعان. قالعان قىلمىسكەرلەر ىزدەرىن سۋىتىپ ۇلگەرگەن.
ايتا كەتەيىك، سوڭعى ۋاقىتتا برازيليا تۇرمەلەرىندە بىرنەشە بۇلىك بولدى. اباقتىلارداعى تارتىپسىزدىك كوبىنە جاۋلاسۋشى توپتاردىڭ قاقتىعىسىنان شىعىپ وتىرعان. مىسالى، 1 قاڭتاردا ماناۋس قالاسىنداعى كولونيادا وسىنداي بۇلىكتەن 50 ادام قازا تاپقان بولاتىن.
