بۇگىن پرەزيدەنت جارلىعىمەن ۇكىمەتتىڭ قايتا جاساقتالعانى تۋرالى حابارلاعان ەدىك.

ەلباسى نۇرسۇلتان نازاربايەۆتىڭ جارلىعىمەن   تامارا  دۇيسەنوۆا ق ر ەڭبەك جانە حالىقتى الەۋمەتتىك قورعاۋ ءمينيسترى قىزمەتىنە تاعايىندالدى. ايتا كەتەر بولساق، تامارا بوسىمبەك قىزى اتالعان مينيسترلىك توڭىرەگىندە 15 جىلدان استام ۋاقىت قىزمەت اتقارىپ كەلەدى. 

2002-2006 جىلدارى - ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ ۆيسە - ءمينيسترى؛ 2006 - 2008 جىلدارى - وڭتۇستىك قازاقستان وبلىسى اكىمىنىڭ ورىنباسارى؛ 2008 - 2013  جىلدارى - ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ جاۋاپتى حاتشىسى. 2013 جىلعى 6 اقپاننان باستاپ ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى. 2013 جىلعى 10 ماۋسىمنان باستاپ - قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترىنىڭ م.ا.، 27 ماۋسىمنان باستاپ - قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى، ال 2014 جىلعى 6 تامىزدان قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترى قىزمەتىندە بولدى.  

مەملەكەت باسشىسىنىڭ جارلىعىمەن ەلجان ءبىرتانوۆ قازاقستان رەسپۋبليكاسىنىڭ دەنساۋلىق ساقتاۋ ءمينيسترى بولىپ تاعايىندالدى. بۇل تۋرالى اقوردانىڭ باسپا ءسوز قىزمەتىنەن حابارلاندى.

ەلجان امانتاي ۇلى ءبىرتانوۆ 1971 جىلعى 18 قازاندا جامبىل قالاسىندا دۇنيەگە كەلدى. الماتى مەملەكەتتىك مەديسينا ۋنيۆەرسيتەتىن، اريزونا شتاتىنىڭ ۋنيۆەرسيتەتىن، رەسەي ديپلومنان كەيىنگى مەديسينالىق  ءبىلىم اكادەمياسىن، شاريتە ۋنيۆەرسيتەتتىك كلينيكاسىن (گەرمانيا)، تۇران ۋنيۆەرسيتەتىن،  Duke University، Fugua  School of Business (اقش)،  Global Executive مۆا ماگيستراتۋراسىن ءبىتىردى. الماتى قالاسىندا جەدەل مەديسينالىق كومەك اۋرۋحاناسىنىڭ رەانيماتولوگ-دارىگەرى، رەسپۋبليكالىق توكسيكولوگيا ورتالىعىنىڭ باسشىسى، ق ر دەنساۋلىق ساقتاۋ مينيسترلىگىنىڭ باس توكسيكولوگى، ق ر دەنساۋلىق ساقتاۋ مينيسترلىگىنىڭ «دەنساۋلىق ساقتاۋدى دامىتۋ ينستيتۋتى» رمك ديرەكتورى، ق ر پرەمەر-مينيسترىنىڭ كەڭەسشىسى، «ۇلتتىق  مەديسينالىق  حولدينگ» اق باسقارما ءتوراعاسىنىڭ ورىنباسارى، ق ر دەنساۋلىق ساقتاۋ ۆيسە-مينيسترى،   «ۇلتتىق  مەديسينالىق  حولدينگ» اق باسقارما ءتوراعاسى  بولىپ جۇمىس ىستەدى.

2014 جىلعى مامىردان باستاپ  - مەملەكەتتىك-جەكەمەنشىك ارىپتەستىك جوبالارىن سۇيەمەلدەۋ ورتالىعى باسقارماسىنىڭ ءتوراعاسى. 2015 جىلعى 12 قاراشادان باستاپ وسى تاعايىنداۋعا دەيىن ق ر دەنساۋلىق ساقتاۋ جانە الەۋمەتتىك دامۋ ۆيسە-مينيسترى. قازاقستان رەسپۋبليكاسىنىڭ دەنساۋلىق ساقتاۋ ءىسىنىڭ ۇزدىگى. مەديسينا عىلىمىنىڭ دوكتورى.