جاقىن ارادا قحر قازاقستانعا جۇڭگو تەرريتورياسىندا سوتتالعان ءۇش ازاماتتى جىبەرمەك دەپ حابارلايدى qamshy.kz caravan.kz-كە سىلتەمە جاساپ.
سونىمەن قاتار، تاعى دا ءۇش ازاماتتى ءوز ەلدەرىنە جىبەرۋ ماسەلەسى تالقىلاناتىن بولادى.
قازاقستاننىڭ قىتايداعى ەلشىسى شاحرات نۇرىشيەۆتىڭ حابارلاۋىنشا، قحر-نىڭ ادىلەت مينيسترلىگىنىڭ ورىنباسارى ليۋ چجيسيانمەن كەزدەسۋ ءوتتى.
«كەزدەسۋ بارىسىندا قازاقستاندىق ءۇش ازاماتتى ەلگە قايتا ورالتۋ ماسەلەسى بويىنشا كەلىسىمگە قول جەتكىزىلدى. جاقىن ارادا جۇڭگو ەلىندە سوتتالعان قازاقستاندىق ازاماتتاردى وتانعا جىبەرۋ پروسەسى جۇزەگە اسىرىلادى. ال تاعى ءۇش ازاماتتى ەلگە قايتارۋ ماسەلەسى بويىنشا، جۇڭگو جاعىمەن الدا قاراساتىرىلاتىن بولادى»-دەپ حابارلاندى.
قازاقستان سىرتقى ىستەر مينيسترلىگىنىڭ مالىمەتتەرىنە قاراعاندا 2015 جىلدىڭ قىركۇيەك ايىنان باستاپ وسى ۋاقىتقا دەيىن، جۇڭگو مەن قازاقستان ەلدەرى اراسىنداعى سوتتالعان ازاماتتاردى اۋدارۋ كەلىسىمى بويىنشا 11 قازاقستاندىق ازامات ەلگە قايتارعان. ال تاعى 12 قازاقستاندىق ازامات جۇڭگو تەرريتورياسىندا جازالارىن وتەۋدە.
