قىتايداعى “Singer-2017” جوباسىنا قاتىسىپ جاتقان قازاقستاندىق ءانشى ديماش قۇدايبەرگەنوۆ جوبانىڭ سەگىزىنشى كەزەڭىندە جۇڭگو تىلىندە ءان سالادى. بۇل تۋرالى قازاقپارات حابارلايدى.
بايقاۋعا قاتىسۋشىلار ەرتەڭ بولاتىن تۇسىرىلىمدە شىرقايتىن اندەرىنە دايىندىق جاساپ جاتقاندارىن الەۋمەتتىك جەلىلەردە جاريالاپ تا ۇلگەردى. ال ديماش بۇل كەزەڭدە تانىمال جۇڭگو ءانشىسى حان حۋننىڭ “تاڭ اتتى” دەگەن ءانىن ورىندايدى.
حان حۋن “I am singer” بايقاۋىنىڭ ءۇشىنشى كەزەڭىندە ءبىرىنشى ورىن العان. جانە ول وسى “تاڭ اتتى” انىمەن ءبىرىنشى كەزەڭدە-اق كوش باسىنا شىققان ەدى. ءوز كەزەگىندە ديماش حان حۋننىڭ شىعارماشىلىعىمەن جاقسى تانىس ەكەنىن اتاپ ءوتتى.
جوبانىڭ جەتىنشى كەزەڭى ەفيردە 4 ناۋرىز كۇنى كورسەتىلەدى. بۇل كەزەڭدە حالىق ءانى “دايديداۋدى” ورىنداعان ديماش ءۇشىنشى ورىننان كورىنگەن.
