قازاقستاندا گەي، لەسبي جانە بيسەكسۋالداردىڭ قۇقىعىن قورعايتىن Kok.team اتتى جاڭا سايت اشىلدى. سوراقىسى بۇل سايتتىڭ باستى بەتىندە قازاقتىڭ ۇلى اقىنى اباي قۇنانبايەۆتىڭ قارا ءسوزى جازىلعان. قازاقستاندىق گەيلەردىڭ پورتالى ابايدىڭ ءسوزىن وزدەرىنە ۇران ەتىپ الىپتى، دەپ حابارلايدى "قامشى" پورتالى.

"ادام اتا-انادان تۋعاندا ەستى بولمايدى: ەستىپ، كورىپ، ۇستاپ، تاتىپ ەسكەرسە، دۇنيەدەگى جاقسى، جاماندى تانيدى داعى، سوندايدان بىلگەنى، كورگەنى كوپ بولعان ادام ءبىلىمدى بولادى. ەستىلەردىڭ ايتقان سوزدەرىن ەسكەرىپ جۇرگەن كىسى ءوزى دە ەستى بولادى"، - دەپ اباي قۇنانباي ۇلىنىڭ ءسوزىن كەلتىرىپ قويىپتى.

گەي، لەسبي جانە بيسەكسۋالدارعا ارنالعان اتالمىش سايت 1 ناۋرىزدان ءوز جۇمىسىن باستاعان. ەندى ولاردىڭ ماسەلەسىنە قاتىستى ءتۇرلى ماقالالار ەشبىر ماسەلەسىز جاريالاناتىن بولادى.

سايتى اشۋشىلار مۇنىڭ قاجەتتىلىگىن بىلاي دەپ تۇسىندىرگەن:

قازاقستاندىقتاردىڭ اراسىندا ورتا ەسەپپەن 7-10 پايىزى ءداستۇرلى ەمەس جىنىستاعى ادامدار (ءارتۇرلى جاستاعى جالپى سانى 1،5 ميلليون ادام).

ونىڭ ۇستىنە قازىرگى تاڭدا ەلىمىزدە سول توپقا ارنالعان وسى تاقىرىپتاعى قىزىقتى رەسۋرستار جوقتىڭ قاسى.

گەي، لەسبي جانە بيسەكسۋالدار ءومىرى تۋرالى سايتتى ەرىكتىلەر جاساپ شىقتى.

جوبا اۆتورلارى پورتالدا گەي، لەسبي، بيسەكسۋالداردىڭ ءومىرى مەن زەرتتەۋ ناتيجەلەرىن جاريالايدى.