15 شىلدەدەگى توڭكەرىس جاساماق بولعان ارەكەت جايلى ناتو-نىڭ تۇجىرىمى، دەپ حابارلايدى "قامشى" پورتالى. 

نورۆەگيانىڭ الدىڭعى قاتارلى حابار سايتىندا ناتو-نىڭ 15 شىلدەدەگى جاعدايعا كوزقاراسى جاريالاندى: تۇركيا پرەزيدەنتى ەردوعان وزىنە قارسى ءوزى توڭكەرىس جاساۋدى جوسپارلاعان.

نورۆەگيانىڭ الدىڭعى قاتارلى حابار تاراتاتىن سايتتارىنىڭ ءبىرى Aldrimer.no15 شىلدەدەگى وقيعاعا بايلانىستى ناتو-نىڭ قالاي قارايتىنىن جازدى.

KjetilStormark اتىمەن جازىلعان حاباردا «ناتو-داعى باسىم كوزقاراس مىناۋ: تۇركيا پرەزيدەنتى ەردوعان توڭكەرىستى وزىنە قارسى ءوزى جوسپارلادى» دەلىندى.

نورۆەگيا سايتىندا جاريالانعان حاباردا بىلاي دەلىنگەن:

Aldrimer گە پىكىر بىلدىرگەن ناتو-نىڭ جوعارعى دەڭگەيدەگى شەندىلەرى ەردوعاننىڭ 15 شىلدەدە توڭكەرىستى ءوزى ۇيىمداستىرعانىنا سەنەتىندىكتەرىن ايتقان. الايدا بۇل وتە ءبىر ەرەكشە ماسەلە بولعاندىعى سەبەپتى ناتو-دا بۇعان قاتىستى قانداي دا ءبىر جازباشا ءماتىن ازىرلەنبەگەندىگىن ءبىلدىردى. بۇعان سەبەپ رەتىندە ناتو مۇشەسى مەملەكەتتەردىڭ بارلىعىنىڭ ىنتىماقتى تۇردە جينالعان قۇپيا مالىمەتتەرگە قول جەتكىزۋ قۇقىنا يە ەكەندىگى كورسەتىلدى.

1600 ادامنىڭ ەسىمى دايىن تۇرعان
دەگەنمەن ناتو-داعى باسىم كوزقاراس انىق:

جوعارعى دەڭگەيلى شەندىلەر ءۇش نە ءتورت جۇلدىزدى گەنەرالدار 30-40 جىلدان بەرى تۇركيامەن بىرگە جۇمىس جاساپ كەلە جاتقان ءارى 4-5 جىلدان بەرى تۇرىك باسشىلارىنا كەڭەس بەرەتىن ناتو مەكەمەلەرى راسىندا ءبىر توڭكەرىس بولعاندىعىنا سەنبەگەندىكتەرىن ايتۋدا. ناتو-عا قارايتىن ءبىر مەكەمەمىز. “ەگەر تۇرىك قارۋلى كۇشتەرى ءبىر توڭكەرىس جاساعىسى كەلسە، مۇنى مىندەتتى تۇردە جاسار ەدى. بۇل ءوزى تۇركيادا قالىپتاسىپ قالعان داعدى” دەدى “قارۋلى كۇشتەردەن شىعارىپ جىبەرگىسى كەلگەن 1600 كىسىنىڭ ەسىمدەرى توڭكەرىسكە ءبىر كۇن وتە سالىسىمەن قولدارىندا ەدى” دەدى.

1 جىلدىق دايىندىق
سەنىمدى دەرەككوزدەرى بويىنشا ناتو-دا قىزمەت جاسايتىن تۇرىك قىزمەتكەرلەردىڭ 80-90 پايىزى جۇمىستان شىعارىلدى. ناتو بويىنشا ەلگە قايتۋعا باتىلى جەتكەندەردىڭ كوبى تۇرمەگە قامالدى، ءبىرقاتارى ءولىم قۇشتى.

“قازىرگى ۋاقىتتا ناتو-مەن بايلانىستاعى تۇرىك باسشىلار ەردوعاننىڭ وسى ءسوز جۇزىندەگى توڭكەرىستى 1 جىلدان بەرى جوسپارلاعانىن، جۇمىستان قۋعىسى كەلگەن ادامداردىڭ اتتارى قولدارىندا بولعانىن ايتتى” دەگەن ناتو دەرەككوزدەرى “قازىرگە دەيىن مۇنىڭ شىن مانىندەگى توڭكەرىس ەكەنىنە سەنگەن ادامدى كورمەدىم» دەگەن.

نارسيست رەتىندە اتالۋدا
ناتو-مەن بىرگە جۇمىس ىستەيتىن ءبىر مەكەمە ەردوعاندى «نارسيست» دەپ اتادى. 

Aنكارا ءۇنسىز
Aldrimer.no عا NATO جالپى حاتشىسى Stoltenberg تاقىرىپقا قاتىستى پىكىر ايتۋدان باس تارتتى. ناتو-نىڭ باسپا ءسوز ءوفيسى دە “15 شىلدەدەگى توڭكەرىس جاساماق بولعان ارەكەتتىڭ ارتىندا كىم تۇر؟” دەگەن سۇراققا جاۋاپ ايتپادى. ەندى ءبىر جاعىنان ەردوعان كابينەتى دە «ەردوعان بۇعان نە دەر ەكەن» دەگەن سۇراققا دا جاۋاپ ايتپاۋدا.

اۆتورى: بەرىك مىڭجاسار