استانا قالاسىنىڭ اتاۋىن ەلباسى اتاۋىنا وزگەرتۋ تۋرالى ۇسىنىس جاساعان دەپۋتات باقىتگۇل حامەنوۆا استانا اۋەجايىنا نازاربايەۆتىڭ اتىن بەرۋ تۋرالى ويىن ايتىپ بەردى دەپ حابارلايدى tengrinews.kz.
"ق ر تاۋەلسىزدىگىنىڭ 25 جىلدىعىنا ارنالعان دەكلاراسيادا ءبىز ەلىمىزدىڭ كونستيتۋسياسىنا تۇڭعىش پرەزيدەنتىمىز نۇرسۇلتان نازاربايەۆتىڭ مەملەكەتىمىزدى سالۋعا قوسقان ۇلەسىن ايتىپ، سونداي-اق، ەلورداعا جانە ەلىمىزدىڭ باسقا دا ماڭىزدى نىساندارىنا ەلباسىنىڭ ەسىمىن بەرۋ تۋرالى ۇسىنىس ايتقان بولاتىنبىز. كونستيتۋسيالىق رەفورمانىڭ جوباسىن بۇكىلحالىقتىق تالقىلاۋعا سالۋ بارىسىندا ازاماتتارىمىز وسى ۇسىنىستى قولدايتىنى جايلى پىكىر بىلدىرگەن ەدى. تۇڭعىش پرەزيدەنتىمىزدىڭ ەسىمىن استانا حالىقارالىق اۋەجايىنا جانە باسقا دا نىساندار مەن كاسىپورىندارعا بەرۋ تۋرالى ۇسىنىستار ايتىلدى"، - دەدى دەپۋتات حامەنوۆا. دەپۋتاتتىڭ ايتۋىنشا، نەگىزگى زاڭىمىزدا تۇڭعىش پرەزيدەنتىمىزدىڭ باعا جەتپەس ءرولى مەن ونىڭ ماڭىزدىلىعىن كورسەتۋ قاجەت.
دەپۋتات كونستيتۋسيانىڭ 91-بابىنىڭ 2-بولىگىنە ەلىمىزدىڭ قۇندىلىقتارى جايلى، سونداي-اق، تاۋەلسىز قازاقستاننىڭ نەگىزىن قالاعان ءارى كوشباسشىمىزعا قاتىستى وزگەرتۋلەر ەنگىزۋ كەرەك.
ەسكە سالا كەتەيىك، وسىعان دەيىن دەپۋتات باقىتگۇل حامەنوۆا ەلوردانىڭ اتاۋىن ەلباسى دەپ وزگەرتۋدى ۇسىنعان ەدى.
