رەسەي عالىمدارى قاتەرلى ىسىكتىڭ بارلىق ءتۇرىن ەمدەيتىن ءدارى ويلاپ تاپقانىن جانە عارىشتا سىناقتان وتكىزكەنىن حابارلادى. بۇل ەمدىك پرەپارات ءۇش-تورت جىلدا پايدالانىلۋعا بەرىلەدى. بۇل تۋرالى «يزۆەستيا» گازەتىنە فەدەرال مەديكو-بيولوگيالىق اگەنتتىگىنىڭ اسا تازا پرەپاراتتار مەملەكەتتىك عىلىمي-زەرتتەۋ ينستيتۋتىنىڭ ديرەكتورىنىڭ ورىنباسارى اندرەي سيمبيرسيەۆ ايتىپ بەردى. 

باسىلىمنىڭ مالىمەتىنشە، بۇل پرەپارات بيوتەحنولوگيا ارقىلى جاسالعان جانە قاتەرلى ىسىكتى ەمدەۋگە ارنالعان جاڭا قۇرال. ايتۋىنشا، جەتىستىككە عارىشتا وتكىزىلگەن زەرتتەۋ ارقىلى قول جەتكىزىلگەن، وسىلايشا ينستيتۋت ونكولوگيادا ناعىز ريەۆوليۋسيا بولاتىن ءدارىنىڭ كلينيكالدى سىناعىن اياقتادى.  

«پرەپاراتىمىزدىڭ شارتتى اتاۋى – «جىلۋ شوگىنىڭ اقۋىزى» («بەلوك تەپلوۆوگو شوكا»). بۇل - ادامنىڭ سترەسسورلىق ءتۇرلى ىقپالىنا جاۋاپ رەتىندە كەز كەلگەن جاسۋشاسىمەن سينتەزدەلەتىن مولەكۋلا. مۇنىڭ بار ەكەنىن عالىمدار ەرتە كەزدەن بىلگەن. باستاپقىدا اقۋىزدىڭ جاسۋشانى زاقىمنان قورعايتىنى عانا كۇتىلدى. ال كەيىن ەرەكشە قاسيەتى بار ەكەنى انىقتالدى - جاسۋشاسىنداعى يممۋندىق جۇيەنىڭ ىسىنگەن انتيگەندەرىن كورسەتە الادى جانە وسىلايشا ىسىنۋگە قارسى يممۋندىق ىقپالىن كۇشەيتەدى»، - دەدى سيمبيرسە. 

سيمبيرسيەۆتىڭ ايتۋىنشا، پرەپارات مەلانوم جانە ساركوم سەكىلدى قاتەرلى ىسىك تۇرىنە شالدىققان تىشقان مەن ەگەۋقۇيرىققا سالىنعان. پرەپارات سىرقاتتىڭ كەز كەلگەن كەزەڭىندە دە ءتيىمدى بولىپ تابىلىپ، جاعىمدى ناتيجە كورسەتكەن. سىناق كەزىندە ءدارىنىڭ جاناما اسەرلەرى انىقتالماسا دا، قاۋىپسىزدىك جونىندەگى سوڭعى شەشىم شىعارۋعا ءالى ءبىر جىلداي ۋاقىت كەرەك كورىنەدى. تەك سودان كەيىن عالىمدار جاڭا پرەپارات بويىنشا كلينيكالىق سىناق جۇرگىزۋگە كىرىسەدى. ال، كلينيكالىق سىناق جۇمىستارىنا ادەتتە 2-3 جىل ۋاقىت كەتەدى.