2017 جىلدىڭ باسىندا قازاقستاندا تەلەارنانى رەفورمالاۋدىڭ ەكىنشى كەزەڭى جۇزەگە استى. وزگەرتۋلەر مەن تولىقتىرۋلار قازاقستان اۋماعىندا تارالاتىن شەتەلدىك تەلە-راديوكانالداردى تىركەۋگە قاتىستى بولدى. ەندى قازاقستان اۋماعىندا ءوز وكىلەتتىگىن تەك ءوز قارجىسىنا عانا اشا الادى. بۇل تۋرالى gosrf.ru حابارلادى.   

قازاقستاننىڭ ازاماتتىق كودەكسىنە ساي، وكىلەتتىلىك زاڭدى تۇلعا بولىپ ەسەپتەلمەيدى. ەندى شەتەلدىك راديوكانالاداردى تەك قازاقستاندىق زاڭدى تۇلعا عانا قۇرا الادى. ولارعا جارعىلىق كاپيتالدىڭ 20%، ال قالعان 80% قازاقستاندىق زاڭدى جانە جەكە تۇلعالارعا تيەسىلى بولادى.

شەتەلدىك تەلە-راديوكانالدار قازاقستان اۋماعىندا حابار تاراتىپ، جارنامادان تۇسەتىن قارجىنى باسقارۋ ءۇشىن قازاقستاندىق ۇيىم بولۋى كەرەك. سايكەسىنشە تەلەارنا مەن راديو ساياساتىن شەتەلدىك ب ا ق باقىلامايدى.

«تەلە-راديو سالاسىنداعى مەملەكەتتىك رەتتەۋ پرينسيپتەرىندە سىزدەر ايتقان قازاقستاننىڭ كونستيتۋسياسى مەن ب ا ق سالاسىنداعى حالىقارالىق مىندەتتەردى ورىنداۋ پرينسيپتەرى جانە ازاماتتاردىڭ ءسوز بوستاندىعى مەن اقپاراتتى تاراتۋعا دەگەن قۇقىعى كورسەتىلمەگەن. تەلە-راديو سالاسىنداعى ساياسي پىكىر الۋاندىلىعى قاراستىلىماعان» دەيدى فيلولوگيا عىلىمدارىنىڭ دوكتورى، ب ا ق بوستاندىعى ماسەلەلەرى جونىندەگى ەۇقى ساراپشىسى اندرەي ريحتەر.  

اندرەي ريحتەردىڭ ويىنشا قازاقستاندا مەملەكەتتىك ب ا ق مونوپولياسىنا بارلىق جاعداي جاسالعان.

«قازاقستاندا مەملەكەتتىڭ باقىلاۋىنداعى تەلە-راديو كانالدارعا زاڭدى شارتتار جاسالىنۋدا. الايدا ۇلتتىق تەلە-راديو حابار تاراتاتىن كانالدار ءوز قىزمەتىن اسىرا پايدالانباۋى ءۇشىن ەشقانداي شەكتەۋلەر قويىلماعان.  جەكە وپەراتورلار شەتەلدىك ارنالاردى قوسۋ ءۇشىن 50% عانا جەڭىلدىك قاراستىرىلعان».