ستۋدەنتتەر، رەپورتەرلەر، ديپلوماتتار، ەكى ەل وكىلدەرى سوت زالىندا تاريحي ساتكە كۋا بولۋ ءۇشىن گااگاداعى الەم سارايىنا جينالدى دەپ حابارلايدى «قامشى پورتالى» bbc.com-عا سىلتەمە جاساپ. بۇۇ-نىڭ حالىقارالى سوتى تەرروريزمدى قولداعانى ءۇشىن رەسەي مەملەكەتىن كىنالاۋ پروسەسىن جۇزەگە اسىرماق.

"بۇگىن مەن الەمدىك سوتتىڭ الدىندا تۇرىپ كومەك سۇراۋعا ءماجبۇرمىن"-دەيدى ۋكراينا دەلەگاسياسىنىڭ جەتەكشىسى، ۋكراينا سىرتقى ىستەر مينيسترلىگىنىڭ ءتوراعاسى ەلەنا زەركال.

ونىڭ ايتۋىنشا رەسەي تەرروريزمدى قولداۋدى دوعارماعان.  ۋكراينا ءوز كەزەگىندە حالىقارالىق سوتتى ۋكرايناعا كومەك كورسەتۋگە، جاعداي ۋشىعىپ كەتپەس ءۇشىن تەز ارادا ۋاقىتشا ارەكەتتەر ورناتۋعا جاردەم ەتۋگە سەندىردى.

"قاقتىعىس بارىسىندا 10 مىڭعا جۋىق ادامىنان ايىرىلعان ۋكراينا رەسەيدىڭ حالىقارالىق كونۆەنسيادا كەلگەن كەلىسىمىن بۇزىپ وتىر"- دەيدى ول.  زەركالدىڭ ايتۋىنشا حالىقارالىق سوتتىڭ زاڭدىق نەگىزدە ارالاسۋى ەتنيكالىق ۋكرايندەردىڭ  مادەني مۇراسىن ساقتاۋ ءۇشىن قاجەت.

ماسكەۋ ءوز تاراپىنان ۋكراينا شىعىسىنداعى قاقتىعىستارعا ءوزىنىڭ قاتىسى جوق ەكەنىن ايتىپ اقتالۋدا.

وسى سوتتا رەسەي وكىلدەرى وزدەرىنىڭ سوت پروسەسىن ءوز قاتىسۋىمەن ەرەكەشەلەندىرىپ وتىر دەسەك بولادى، سەبەبى وسىنىڭ الدىنداعى سوتتاردى مۇلدەم جاۋاپسىز قالدىرىپ وتىرعان كورىنەدى.

بۇل سوت پروسەسى ۇزاققا سوزىلۋى مۇمكىن. ۋكراينا ەكى ەل اراسىنداعى ديپلوماتيالىق كەلىسىمدەر ەندى مۇلدەم قيسىنسىز، تەز ارادا ارەكەت ەتۋ كەرەك دەي وتىرا سوتتى شەشىم قابىلداتۋعا اسەر ەتتى.

    الايدا، حالىقارالىق سوت ءوز كەزەگىندە شەشىم قابىلداعاننىڭ وزىندە ونى ىسكە اسىرۋ ماسەلەلەرى قيىندىق تۋعىزۋى مۇمكىن دەيدى.