قازاقستاننىڭ ۋكرايناداعى ەلشىلىگىنىڭ باستاماسىمەن كييەۆتەگى جامبىل جابايەۆ قوعامدىق كىتاپحاناسى نەگىزىندە العاش رەت ۋكرايناداعى قازاق دياسپورىسىنا قازاق ءتىلىن ۇيرەنۋ مۇمكىندىگى بەرىلىپ وتىر.
بۇل باعدارلاماعا قازاق ءتىلىنىڭ گرامماتيكاسى مەن لەكسيكاسىن ۇيرەتۋ كىرەدى. سونىمەن بىرگە، قازاقتاردىڭ تاريحي مۇراسىمەن، قازىرگى قازاقستان جاعدايى، ەكونوميكاسى تۋراسىندا ارنايى ساباقتار وتكىزىلۋ جوسپارلانىپ وتىر دەپ حابارلايدى qamshy.kz caravan.kz-كە سىلتەي وتىرىپ. ەلشى سامات وردابايەۆ سالتاناتتى اشىلۋ راسىمىندە:
«مەملەكەتتىك ءتىلدى مەڭگەرۋ قازاقستان بىرلىگىن نىعايتۋداعى ماڭىزدى فاكتور» دەپ اتاپ ءوتتى.
بۇل كلۋب ءوز جۇمىسىن قازاقستان مەن ۋكراينا اراسىنداعى ديپلوماتيالىق قارىم-قاتىناستارىنا 25 جىل تولۋىنا وراي باستادى.
«بۇل باستاما ەكى ەل اراسىنداعى قارىم-قاتىناستىڭ نىعايۋىنا سەپتىگىن تيگىزەتىنىنە سەنىم مول»-دەدى ەلشى. ۋكرايناداعى قازاق دياسپوراسى ءوز كەزەگىندە ءوز تۋعان تىلدەرىن ۇيرەنۋ مۇمكىندىگىن بەرىپ وتىرعان ەلشىلىككە العىستارىن ءبىلدىردى.
