قازاقتىڭ تانىمال بوكسشىسى قانات يسلام تالدىقورعان قالاسىنا ارنايى كەلىپ، جانكۇيەرلەرىمەن جۇزدەستى، دەپ حابارلايدى «قامشى» پورتالى.
باسقوسۋعا كەلگەن جۇرتتىڭ سانىندا ەسەپ جوق. ءار ايماقتان اعىلىپ جاتتى. اقساقالدار وعان باتا بەرىپ، جەتىسۋ جۇرتشىلىعى ات مىنگىزىپ شاپان جاپتى.
«مەنى وسىلاي قۇرمەتتەپ، ىستىق لەبىزدەرىڭىزدى ءبىلدىرىپ جاتقاندارىڭىزعا العىسىم شەكسىز. ادام بولعان سوڭ ءالسىز جەرلەرىمىز دە بار، ءبىراق نامىستى قولدان بەرمەۋگە كۇش سالامىن. الدا كوپتەگەن سايىستار كۇتۋدە، بۇيىرسا، سول جارىستاردا قازاقتىڭ كوك تۋىن جەلبىرەتە بەرۋگە تىرىسامىن»، - دەدى بەلگىلى بوكسشى.
ايتا كەتەيىك، قانات يسلام كاسىپقوي رينگتە 23 كەزدەسۋ وتكىزىپ، بارىندە جەڭىسكە جەتتى. سوڭعى جەكپە-جەگى 18 اقپاندا ءوتتى. برازيليالىق روبسون اسسيسپەن جەكپە-جەككە شىعىپ، ءبىرىنشى راۋندتا-اق نوكاۋتپەن جەڭگەن ەدى.
