وزبەكستاننىڭ العاشقى پرەزيدەنتى يسلام كارىموۆتىڭ ەسكەرتكىشى تۇركىمەناباد قالاسىندا اشىلدى. 7 ناۋرىزدى ەسكەرتكىشتىڭ اشىلۋ سالتاناتىنا وزبەكستان پرەزيدەنتى شاۆكات ميرزيايەۆ پەن تۇركىمەنستان پرەزيدەنتى گۋربانگ ۇلى بەردىمۇحامەدوۆ قاتىستى. بۇل تۋرالى centralasian.org جازدى.
تۇركىمەنستان مەملەكەتتىك اقپارات اگەنتتىگىنىڭ حابارلاۋىنشا، يسلام كارىموۆ ەسىمى لەباپ ءۋالاياتىنىڭ اكىمشىلىك ورتالىعىنداعى ءبىر كوشەگە بەرىلدى.
جينالعان جۇرت الدىندا ءسوز سويلەگەن تۇركىمەنستان پرەزيدەنتى ەكى ەلدىڭ قارىم-قاتىناسىنىڭ دامۋىنا يسلام كارىموۆتىڭ قوسقان ۇلەسىن اتاپ ءوتتى.
"وزبەكستان رەسپۋبليكاسىنىڭ العاشقى پرەزيدەنتىنە ەسكەرتكىش قويۋ - سول ءىستىڭ ءارى قاراي جالعاسقانىن بىلدىرەدى"، - دەدى بەردىمۇحامەدوۆ.
وزبەكستان جانە تۇركىمەنستان باسشىلارى ەسكەرتكىشكە گۇل قويدى.
