«ازىرەت سۇلتان» مەملەكەتتىك تاريحي-مادەني قورىق-مۋزەيى (بۇدان ءارى - مۋزەي) تۇركىستان تۇركى الەمىنىڭ مادەني استاناسى اتالۋىنا وراي «تۇركىستان جانە تاريحي ەسكەرتكىشتەر» تاقىرىبىندا فوتو بايقاۋ جاريالايدى.
بايقاۋدىڭ ماقساتى جانە مىندەتتەرى:
· قالامىزدىڭ كوركەم وبرازدىق تۇرعىدان جارقىن فوتوسۋرەتتەر ارقىلى جاستاردىڭ وتانسۇيگىشتىك قابىلەتىن ارتتىرۋ
- تۋعان قالاسىنا دەگەن سۇيىسپەنشىلىك، ماقتانىش سەزىمدەرىن فوتوونەر ارقىلى
بىلدىرۋگە مۇمكىندىك بەرۋ؛
· فوتوسۋرەت سالاسىندا كاسىبي جانە كوركەمونەر شىعارماشىلىعىن دامىتىپ،
ناسيحاتتاۋعا ىقپال جاساۋ؛
· قوجا احمەت ياساۋي كەسەنەسىن كوركەم فوتوعا ءتۇسىرىپ، قالاعا كەلۋشى قوناقتارعا ۇسىنۋ؛
بايقاۋ ءبىر كەزەڭنەن تۇرادى.
بايقاۋدىڭ ءوتۋ مەرزىمى: 2017 جىلعى 10 ناۋرىز – 1 مامىر ارالىعى
بايقاۋدىڭ جۇمىستارىنا قويىلاتىن تالاپتار
- بايقاۋعا كاسىبي جانە اۋەسقوي فوتوگرافتار قاتىسا الادى، جاسىنا شەكتەۋ قويىلمايدى.
- jpg (jpeg) فورماتىنداعى ءتۇپنۇسقا فوتوسۋرەتتەر قابىلدانادى. كولەمى 300*1200-دان كەم بولماۋى كەرەك.
- بايقاۋعا اق-قارا ءتۇستى سۋرەتتەر دە قابىلدانادى.
- فوتوكوللاج، ارنايى ەففەكتىلەرمەن وڭدەلگەن فوتوسۋرەتتەر قابىلدانبايدى.
- بايقاۋعا ساپاسىز، تالاپقا ساي كەلمەيتىن فوتوسۋرەتتەر قاتىستىرىلمايدى.
- بايقاۋعا قاتىسۋشى ءاربىر تاقىرىپ بويىنشا 3 فوتوسۋرەتتەن، بارلىعى 12 فوتوسۋرەت جولداۋى ءتيىس.
- فوتوبايقاۋعا تاقىرىپ بويىنشا اۆتورلىق فوتوجۇمىستار قابىلدانادى؛
- فوتو بۇرىن ەش جەردە جاريالانباعان بولۋى كەرەك؛
- جۇمىستارمەن بىرگە ءساۋالناما-وتىنىم بەرىلۋى ءتيىس. وتىنىمدە قاتىسۋشىنىڭ تولىق ءاتى-جونى، جاسى، مەكەن – جايى، بايلانىس تەلەفونى، وقۋ ورنى نەمەسە جۇمىس ورنى، نوميناسيا، جۇمىستىڭ اتاۋى؛
- بايقاۋعا ۇسىنىلعان فوتوسۋرەت مۋزەي قورىنا وتەدى، اۆتورعا قايتارىلمايدى.
- فوتو مۋزەي پوشتاسىنا جىبەرىلەدى نەمەسە اۆتوردىڭ ءوزى مۋزەيگە جەتكىزەدى؛
- سۋرەتتەر ارنايى مامانداردان جاساقتالعان قازىلار القاسىمەن ىرىكتەلىپ الىنادى
- ساۋالناما، تۇجىرىمداما مۋزەيدىڭ ەلەكتروندى ادرەسىنە جىبەرىلەدى. ە-mail: azret_sultan@mail.ru
- بايقاۋدى وتكىزۋ جانە قاتىسۋ شارتتارى مۋزەيدىڭ azretsultan.kz سايتىنا جاريالانادى
- بايقاۋ جۇمىستارى مەن وتىنىمدەر «ازىرەت سۇلتان» مەملەكەتتىك تاريحي-مادەني قورىق-مۋزەيىنە 2017 جىلدىڭ 10 ناۋرىز – 1 مامىر ايلارى ارالىعىندا قابىلدانادى
بايقاۋ كەلەسى نوميناسيالار بويىنشا وتكىزىلەدى:
· ءى نوميناسيا «قوجا احمەت ياساۋي كەسەنەسى»
· ءىى نوميناسيا «تۇركىستان كەرەمەتتەرى»
· ءىىى نوميناسيا «تاريحي-مادەني ەسكەرتكىشتەر»
بايقاۋدىڭ قازىلار القاسى مەن ماراپاتتاۋلارى
1. بايقاۋدىڭ قازىلار القاسى ۇسىنىلعان ماتەريالدارعا تالداۋ جاساپ، باعالاپ، ەڭ ۇزدىك ماتەريالداردى انىقتايدى.
2. ۇيىمداستىرۋ كوميتەتى فوتوسۋرەتتەردى مۋزەي كورمەلەرىنە قويۋ ارقىلى ناسيحات جۇمىستارىن جۇرگىزەدى
3. جەڭىمپازدار ديپلومدارمەن، ماقتاۋ قاعازدارىمەن، اقشالاي سىياقىلارمەن ماراپاتتالادى.
بايلانىس
تۇركىستان قالاسى، تاۋكە حان 282 ا،
«ازىرەت سۇلتان» مەملەكەتتىك تاريحي-مادەني قورىق-مۇراجايى رمقك
