ۇيلەنۋ تويلارىنان كەيىن 6 اپتا وتكەن سوڭ پەگگيدىڭ كۇيەۋى ءىز-تۇسسىز جوعالىپ كەتەدى. 70 جىلدان كەيىن ايەلى شىندىققا كوز جەتكىزەدى...

ولار 1944 جىلى امەريكانىڭ تەحاس شتاتىندا تانىستى. ۇرىمدەي جاس ارۋ پەگگي 22 جاسار ۇشقىش بيللي حارريسقا ءبىر كورگەننەن عاشىق بولادى. عاشىقتاردىڭ سەزىمى ۇلكەن ماحابباتقا ۇلاسىپ، ەكى جاس ۇيلەنەدى. الايدا، باقىتتارى ۇزاققا سوزىلمادى. 6 اپتادان سوڭ بيلليگە مايداننان شاقىرتۋ كەلەدى. جاڭا وتاۋ قۇرعان جاس جىگىت فرانسياعا ءجۇزىپ كەتەدى. بۇل ولاردىڭ سوڭعى جۇزدەسۋلەرى ەدى. جىگىت سول كەتكەننەن قايتىپ كەلمەدى.

ۇشقىش قانداي جاعدايعا تاپ بولعانىنان اسكەري جاساق تا بەيحابار بولدى. پەگگي قايعىدان قان جۇتتى، سەبەبى، كۇيەۋىنىڭ ءولى-تىرىسى بەلگىسىز ەدى. ءولدى دەگەنگە سەنگىسى كەلمەدى.

اراعا 70 جىل سالىپ پەگگيدىڭ تۋىستارى اسكەري مۇراعاتتان بيللي جايىندا جازبا تاۋىپ الادى. بۇل جاڭالىقتان سوڭ پەگگي فرانسياعا جول تارتادى.

مۇراعاتتا كورسەتىلگەندەي، بيللي وتىرعان ۇشاق لەس ۆەنتەس قالاسىنىڭ ماڭىندا اپاتقا ۇشىراعان ەكەن. ۇشقىش تا قازا تاۋىپ، سول ماڭعا جەرلەنگەن. الايدا، پەگگيدى ءمايىت باسىندا ەرەكشە توسىن سىي كۇتىپ تۇر ەدى.

لەس ۆەنتەس اتتى كىشىگىرىم قالاشىقتا بيللي حارريسون باتىر عانا ەمەس، جاستاردىڭ ەسىندە ۇلگى بولاتىنداي قايسار ءارى باتىل ازامات رەتىندە ساقتالىپ قالدى. ءتىپتى، باس كوشەنى كۇيەۋىنىڭ ەسىمىمەن اتاعان ەكەن. ءمايىتى گۇلدەرگە تولىپ تۇر. وسىلايشا، قاراپايىم امەريكالىق ۇشقىش فرانسيانىڭ كىشكەنتاي عانا قالاشىعىنىڭ  باتىرى اتاندى، قايتىس بولعاننان كەيىن باتىلدىعى مەن ەرلىگى ءۇشىن مەدالمەن ماراپاتتالدى.

ءبيلليدىڭ ۇشاعى لەس ۆەنتەس ماڭىندا اپاتقا ۇشىراپ، تومەنگە قاراي قۇلاي باستايدى. ءوزىنىڭ امان قالماسىن بىلگەن بيللي ۇشاقتىڭ قالا ۇستىنە قۇلاماۋى ءۇشىن ءبارىن ىستەيدى. ءوزى ومىردەن وتسە دە، بەيبىت تۇرعىنعا ءقاۋىپ توندىرگىسى كەلمەگەن ەر ادام بار كۇشىن سالىپ، ۇشاعىن ورمانعا قاراي باعىتتاعان.

  كۇيەۋىنىڭ قايعىلى وقيعاسىنان حاباردار بولعان پەگگي جىل سايىن فرانسياعا ءمايىت باسىنا كەلىپ تۇرادى. ول جەردەن اپاتتان امان قالعان 91-جاسار گي سۋرلوۋدى كەزدەستىرەدى.

ءولىم اۋزىندا بولسا دا ۇشاقتىڭ قالا ۇستىنە قۇلاماۋى ءۇشىن قولىنان كەلگەنىن ىستەگەن ءبيلليدىڭ ارەكەتى قالا تۇرعىندارىن قايران قالدىرادى. بۇگىنگى كۇنگە دەيىن ونىڭ قايسارلىعى ەل اۋزىندا.

ارينە، ۇزاق جىلدار بويى شىندىقتى بىلمەگەن پەگگي ءۇشىن ول جىلدار اۋىر ءتيدى. 70 جىل بويى بۇگىنگى كۇندەگىدەي بايلانىستىڭ جوقتىعىنان ءوز كۇيەۋىنىڭ قازا تاپقانى جايىندا بەيحابار بولدى. ءبىر ەركەككە كوزىن سالماي، ءوز جارىن كۇتۋمەن بولدى. بار قايعىعا قاراماي، پەگگي فرانسيا قالاشىعىنان وزىنە دوستار تابادى. جەرگىلىكتى تۇرعىندار ەرىنىڭ ەرلىگىن ەسكەرىپ پەگگيدى وزدەرىنە جاقىن تارتتى. 

 دەرەككوز: fromlife.net