قىتايداعى سزينحۋا ايماعىندا ءورت سوندىرۋشىلەرگە بەلگىسىز ايەلدەن حابار كەلىپ تۇسەدى.  بەلگىلى بولعانداي كوپ قاباتتى ءۇيدىڭ كارىز جۇيەسىنەن ءسابيدىڭ داۋسى ەستىلگەن. ءورت سوندىرۋشىلەر كارىز قۇبىرىنان جاڭادان تۋىلعان ءسابيدى تاۋىپ الدى دەپ حابارلايدى qamshy.kz.

قولمەن ءسابيدى الىپ شىعۋ مۇمكىن بولمادى. ال ۋاقىت وتە تىعىز ەدى. سوندىقتان قۇتقارۋشىلار بالا تۇرىپ قالعان قۇبىردى سابيمەن قوسىپ كەسىپ، دەرەۋ اۋرۋحاناعا جەتكىزدى.

دارىگەرلەر مەن قۇتقارۋشىلار ءسابيدى قۇبىردان ءبىر ساعات بويى بوساتىپ الۋعا تىرىستى. ناتيجەسىندە بالانى جاراقاتتاماي،  شىعارا الدى.

دارىگەرلەر بالانىڭ جۇرەگى اۋىراتىنىن جانە كوپتەگەن دەنە جاراقاتتارىن بايقاعان. ۋاقىت وتە كەلە ءسابيدىڭ جاعدايى تۇراقتاندى.

پوليسيا بىردەن ىسكە كىرىسىپ، ءوز بالاسىن ولتىرۋگە وقتالعان انانى تاپتى. ول وقيعا بولعان كوپ قاباتتى ءۇيدىڭ تۇرعىنى ەكەن. بەلگىلى بولعانداي، ونى جىگىتى تاستاپ كەتكەن. ال جاساندى تۇسىك جاساتۋعا ونىڭ قاراجاتى بولماعان.

ول دۇنيەگە شەكەسى تورسىقتاي ۇل الىپ كەلدى. ايەلدىڭ ايتۋىنشا ول ءسابيدى ءولتىرۋدى ويلاماعان. ءسابي قولىنان ءتۇسىپ كەتكەن. ول بىردەن ءورت سوندىرۋشىلەرگە حابارلاسقان. الايدا، ولار كەلگەندە شوشىپ، جاسىرىنىپ قالعانىن ايتقان.   

بۇل وقيعا قوعامدا كەڭىنەن تالقىلاندى. جەرگىلىكتى جۋرناليستەر ونى «59-شى ءسابي» دەپ اتاپ كەتكەن. بۇل ونىڭ اۋرۋحاناعا تۇسكەن ءنومىرى. كوپ ۋاقىت وتپەي-اق بالاعا قاجەتتىنى الىپ كەلىپ جاتقاندار كوپ بولدى.