سولتۇستىك كورەيا – الەمدەگى جابىق ەلدەردىڭ ءبىرى. تۇرعىندارى مەملەكەت بيلىگىنىڭ قاتال تارتىبىنە كونۋگە ءماجبۇر، ولاي بولماعان جاعدايدا تۇرمەگە توعىتىلادى نەمەسە ءولىم جازاسىنا كەسىلەدى. ءولىم جازاسىنا قانداي جاعدايدا كەسىلەدى؟

«قامشى» پورتالى ءسولتۇستىڭ كورەيانىڭ قۇقىق بۇزۋشىلىق ارەكەتتەرىن نازارلارىڭىزعا ۇسىنباق.

 1.تىيىم سالىنعان اۋەندەردى تىڭداۋ

سولتۇستىك كورەيادا شەتەلدىك اۋەندەردى تىڭداۋعا تىيىم سالىنعان. راديو، تەليەۆيدەنيە، عالامتور، ب ا ق – ءبارى مەملەكەتتىڭ ارنايى قىزمەتكەرلەرىنىڭ قاتاڭ باقىلاۋىندا بولادى. شەتەلدىك مالىمەتتەر، ولەڭدەر ءسولتۇستىڭ كورەيانىڭ ۇلتتىق قۇندىلىقتارىن قورلايدى ەكەن.

 2.شىن جۇرەكتەن ازا تۇتپاۋ

كورەيانىڭ باسشىسى قازا تاپسا، حالىق تۇگەل ازا تۇتۋعا مىندەتتى. ازا تۇتۋ كۇندەرى كورەيالىقتار 100 كۇن بويى قايعى جۇتىپ جىلاۋلارى ءتيىس. سەزىمدەرىن بارىنشا سىرتقا شىعارىپ، جان داۋىستارىمەن ايقايعا سالىپ تۇرىپ جىلاۋلارى كەرەك ەكەن. ەموسيالارىن ىشتەرىندە تىيىپ قالعان جاعدايدا تۇرمەگە توعىتىلادى نەمەسە ءولىم جازاسىنا كەسىلەدى. 100 كۇن بويى ەلدىڭ ءار ايماعىندا كامەرالار قوسۋلى تۇرادى.

 3.ازا تۇتۋ

كيم چەن ىن تۇرعىندارعا دۇنيەدەن وتكەن تۋىستارىن جوقتاپ، جىلاۋعا تىيىم سالادى. 2013 جىلى چان سون تحەك مەملەكەتتىك توڭكەرىس جاساعانى ءۇشىن ءولىم جازاسىنا كەسىلدى. ايەلى قايعى تۇتىپ باستاعان كۇنى-اق ءىز-تۇسسىز جوعالىپ كەتكەن.

 4.جينالىس ۋاقىتىندا ۇيىقتاۋ

كيم چەن ىن ءوزى سويلەپ تۇرعان ۋاقىتتا ۇيىقتاعان ازاماتتاردى كوڭىلى جاراتپاعان. بىرنەشە جىل بۇرىن ۇلتتىق قارۋلى كۇشتەر ءمينيسترى حەن ەن چحول مەملەكەت باسشىلارى جينالعان وتىرىستا ۇيىقتاپ كەتكەندىكتەن ايىپتى بولىپ سانالدى. سول ءۇشىن اتۋ جازاسىنا كەسىلدى.

 5.الكوگولدى شىرىندارعا قاتىستى جازا

سولتۇستىك كورەيا ازاماتتارىنا تەك مەملەكەتتىك مەيرام كەزدەرىندە عانا الكوگولدى شىرىن ىشۋگە رۇقسات بەرىلگەن. 2013 جىلى كيم چەن يرۋدى ازا تۇتۋ ۋاقىتىندا الكوگول قولدانعان سولتۇستىك كورەيالىق اسكەرلەر ءولىم جازاسىنا كەسىلدى.

 6.ازىق-تۇلىكتى ۇرلاۋ

سولتۇستىك كورەيانىڭ ەڭبەك لاگەرىندە اشتىقتان قازا تاباتىنداردىڭ سانى جەتەدى. سەبەبى، اشتىق ولاردى ۇرلىق جاساۋعا ماجبۇرلەيدى. بۇنداي ارەكەتكە بارعان ادام ءدۇيىم جۇرتتىڭ الدىندا اتىلادى. ءتىپتى، بالالاردى، وقۋشىلاردى وسىنداي راسىمدەرگە ساباق بولسىن دەگەن نيەتپەن ارنايى شاقىرادى ەكەن.

 7.تاسباقا فەرماسىنداعى ساپاسىز جۇمىس

2015 جىلى سولتۇستىك كورەيانىڭ مەملەكەتتىك اقپاراتتىق اگەنتتىگى كيم چەن ىننىڭ تاسباقا فەرماسىنا بارعان ءساتىن فوتو-ەسەپ رەتىندە جاريالاعان بولاتىن. ال، باسشىعا قىزمەتكەرلەردىڭ تەڭىز شاياندارىن ءوسىرۋى ۇناماعان سەكىلدى، سۋرەتتە ناشار كورىنىس تاپقاندىقتان، كيم چەن ىن قىزمەتكەرلەردى ءولىم جازاسىنا كەسۋ جايىندا ۇكىم شىعاردى.

 8.سابىندى وپەرانى تاماشالاۋ

2013 جىلى سولتۇستىك كورەيادا وڭتۇستىك كورەيالىق فيلمدەردى قاراعانى ءۇشىن 80 تۇرعىن ءولتىرىلدى، 2014 جىلى 50ء-ى قازا تاپتى. قازا تاپقانداردىڭ اراسىندا شەنەۋنىكتەر دە بولعان.

 9.شەتەلمەن بايلانىسقا شىعۋ

سىرتقى الەممەن بايلانىس ۇستاۋعا بۇل مەملەكەتتە قاتاڭ تىيىم سالىنعان. 2013 جىلى مەملەكەت تۇرعىنى وڭتۇستىك كورەياداعى تۇرعىنىمەن تىلدەسكەنى ءۇشىن اتىلدى.

10.عالامتورعا شىعۋ

ءبىز ءومىرىمىزدى عالامتورسىز ەلەستەتە المايمىز. ال، سولتۇستىك كورەيا تۇرعىندارى عالامتور جەلىسىن پايدالانىپ، سىرتقى الەممەن بايلانىسقاندارى ءۇشىن قاتاڭ جازاعا تارتىلۋى مۇمكىن.

 11.پورنوگرافيانى كورۋگە قارسى

پورنو فيلمدەردى قاراعان ادامدار دا ءولىم جازاسىنا كەسىلەدى. كيم چەن ىننىڭ كوڭىلدەسى ءانشى حەن سون ۆول اشىق كيىمدە جارناماعا تۇسكەنى ءۇشىن اتا-اناسىننىڭ كوز الدىندا ءولىم قۇشتى.

 12.شەكارادان اسۋ

سولتۇستىك كورەيا تۇرعىندارىنا مەملەكەتتەن ءوز ەرىكتەرىمەن شىعۋعا تىيىم سالىنعان.

 13.باسشىلاردى قادىرلەمەۋ

كورەيا باسشىلارىنىڭ مۇسىندەرىنە، ەسكەرتكىشتەرىنە ءتىپتى تۋريستەردىڭ ءوزى باس يۋگە مىندەتتى. قادىرلەمەگەن ادامدى ويلانباستان ولىمگە قيادى.

 14.دىنگە سەنۋ

2013 جىلى 80 ادام ءىنجىلدى ساقتاعاندارى ءۇشىن ءولتىرىلدى. سەبەبى، سولتۇستىك كورەيادا كيم ير سەن مەن ونىڭ ۇلى كيم چەن ير باستاعان ءدىني ۇستانىمىنا سەنۋگە مىندەتتى.

 15.باتىس ادەبيەتىن ساقتاۋ نەمەسە ساتىلىمعا شىعارۋ

سولتۇستىك كورەيادا باتىس ادەبيەتى باعالانبايدى، باتىس ادەبيەتىن پايدالانۋ مەملەكەت باسشىسىنا دەگەن سەنىمدىلىكتىڭ جوقتىعى رەتىندە سانالادى. سوندىقتان، باتىس اۋەنى، ادەبيەتى، فيلمدەرى – بۇل مەملەكەتتىڭ تۇرعىندارى ءۇشىن ناعىز قاتىگەز دۇنيە. باتىس وركەنيەتىنە قاتىستى دۇنيەنى يەمدەنۋ، تاراتۋ نەمەسە ساتىلىمعا شىعارۋ سىندى ارەكەتتەردىڭ سوڭى ولىممەن اياقتالادى.

دەرەككوز: morediva.ru

اۋدارعان: گۇلىم جاقان