ەل اسىعا كۇتكەن «قازاق حاندىعى» سەريالىنىڭ تەلەارنالاردان كورسەتىلەتىن ۋاقىتى بەلگىلى بولدى. كەرەي مەن جانىبەك سۇلتانداردىڭ قازاق رۋلارىنىڭ باسىن قوسىپ، ەل ەتۋ ساتىنەن باستالاتىن كينوداستان اعىمداعى جىلدىڭ 19 ناۋرىزىنان باستاپ «31 ارنادان» كورسەتىلەدى. بۇل تۋرالى qasym.kz جازدى.
ون بولىمنەن تۇراتىن سەريالدا — قازاق حاندىعى بوياماسىز بەينەدە ايقىن كورسەتىلەدى،- دەيدى كينوگەرلەر. بۇرىن-سوڭدى تاريحي فيلمدەردە كورىنىس تاپپاعان ەرەكشە وقيعالار، سول زامانداعى تۇرمىس-تىرشىلىك بوياماسىز باياندالادى. 
ماسەلەن، قازاق حاندىعىنىڭ قۇرىلۋ بارىسىنداعى ساياسي وزگەرىستەر كەزىندە ۇلىستىڭ سۇلتاندارى كورشى مەملەكەتتەرمەن قاي تىلدە مامىلە جاسادى؟ ورتا عاسىرلاردا كوسمەتيكانى ءوندىرۋ قۇپياسى نەدە ەدى؟
ءتۇسىرۋ توبى ەلدىكتىڭ، حاندىقتىڭ تاريحىن ءاربىر ازامات جەتىك ءبىلۋى ءتيىس دەپ ويلايدى.

كينوداستان 19 ناۋرىزدان باستاپ، كۇن سايىن  ساعات 20:00-دەن 22:00 ارالىعىندا كورسەتىلەدى. 
ۇلت تاريحىنان سىر شەرتەتىن كينوتۋىندىنى بىرگە تاماشالايىق!