الماتىدا ەر ادام دۇكەندەردىڭ بىرىنەن كۇماندى كۇرىش ساتىپ العان. ءبىرتۇرلى داقىلدىڭ ۆيدەوسىن ەر ادام Tengrinews.kz رەداكسياسىنا جىبەرگەن. 

ونىڭ ايتۋىنشا، ازىق 8 ناۋرىزدا "قازاقفيلم" ىقشاماۋدانىنداعى قالالىق كىشىگىرىم دۇكەندەردىڭ بىرىنەن الىنعان. 

«سورەدە بىرنەشە پاكەت جاتتى، سىرتقى قاباتى ادەمى، ءتاپ-تاۋىر كۇرىش بولاتىن. كەشە قايناتايىن دەپ، جۋدىم، سول كەزدە بايقاعانىم، كۇرىشتىڭ ءتۇسى وزگەرىپ كەتتى، جارتىلاي اق، جارتىلاي سەلدىر بولا ءتۇستى. بەس مينۋتتان سوڭ بارلىعى اپپاق بولدى. مەن كۇرىشتى قولىما الىپ، ەزگەنىمدە ول ۇنتاقتالىپ كەتتى»، - دەيدى ۆلاديمير.

الماتى تۇرعىنى قىتايدىڭ پلاستيك كۇرىشىن ساتىپ الدىم دەگەن ويدا. ول كۇماندى داقىلدى جەۋدەن باس تارتقان. ساتىپ العان زاتىن قوقىسقا تاستاپتى.

«الماتىلىقتارعا ەسكەرتكىم كەلەدى، كۇرىش ساتىپ العاندا اباي بولىڭىزدار. مەن مۇندايمەن العاش رەت كەزدەسىپ وتىرمىن، جاعىمسىز جايت»، - دەدى ەر ادام.

وسىعان دەيىن ب ا ق وكىلدەرى، قىتايدا قولدان جاسالعان كۇرىشتىڭ پايدا بولعانىن جازعان. ول كارتوپتان جانە پلاستماسسادان جاسالاتىن كورىنەدى. ماماندار قولدان جاسالعان كۇرىشتىڭ ادام دەنساۋلىعىنا زيان ەكەنىن ايتادى. ونى پايدالانعان جاعدايدا ادامدار قايتىس بولۋى دا مۇمكىن.

قولدان جاسالعان كۇرىشتىڭ وڭتۇستىك-شىعىس ازيا ەلدەرىندە تارالعانى حابارلاندى. قازاقستانعا پلاستيك كۇرىشتىڭ كىرگەنى تۋرالى رەسمي مالىمەت جوق.