«ءار ەلدىڭ سالتى باسقا، يتتەرى قارا قاسقا دەمەكشى» الەمدە ءبىز بىلمەيتىن، كوز كورمەگەن سالت جورالار مەن داستۇرلەر وتە كوپ.  ونىڭ ىشىندە تۇسىنبەي جاتاتىندارىمىز  قانشاما؟  «قامشى» پورتالى الەمدەگى ەڭ جانتۇرشىگەرلىك ءارى تۇسىنىكسىز سالت-جورالاردى انىقتاپ كوردى.

سابيلەردى بيىكتىكتەن لاقتىرۋ

ءۇندىستاندا گريشنيەۆور دەگەن عيباداتحانا بار. وسى عيباداتحانادا ەڭ ءقاۋىپتى سالتتى جۇزەگە اسىرادى. 1-2 جاسار سابيلەردى  15 مەترلىك بيىكتىكتەن لاقتىرادى.  لاقتىرماس بۇرىن بالانى سىلكىپ-جۇلقىپ، ابەن جىلاعانشا ەسىن شىعارادى. بالا تومەندە اقجايما ۇستاپ تۇرعان كوپشىلىككە قاراي قۇلايدى. ءبىراق وسىمەن سالت-جورا بىتپەيدى. ەسى شىققان بالا وسىدان سوڭ جينالعان تانىس ەمەس ادامدار اراسىنان قولما-قول ءوتۋى ءتيىس. سوندا وسى بالاعا قولدارى تيگەن ادامدار باقىتتى بولادى دەگەن سەنىم قالىپتاسقان. ال بارلىق ادامنىڭ قولىنان وتكەن بالا ەڭ سوڭىندا عانا  اناسىنىڭ قولىنا تيەدى.

ازاپتانۋ

پاپۋا گۆينەيا حالقى سالتىندا ۇلدىڭ ياكي ەر-جىگىتتىڭ ەرەسەكتىككە ءوتۋ پروسەسىن جۇزەگە اسىرۋ جۇرگىزىلەدى. جاس جىگىت ەرەسەكتىك، ەركەكتىك شاققا ءوتۋى  ءۇشىن بەلگىلى-بىر سىناقتان ءوتۋى ءتيىس. ەڭ ءبىرىنشى ۇلكەندەردى سىيلاۋ، قۇرماتتەۋ ماقساتىندا ەر-جىگىتتى ۇرعىزادى. سودان سوڭ كەۋدەسىن ءتىلىپ، قان شىعارادى. كەلەسى كۇنى دەنەسىن تاعى دا بامبۋكتىڭ ۇشكىر قابىعىمەن تىلەدى.  بۇل سالت ورىندالۋ بارىسىندا جىگىت ايەل ادامنىڭ ەشقايسىسىمەن سويلەسپەۋى، كومەك سۇراماۋى ءتيىس.  بۇل پروسەسس اياقتالعان سوڭ جىگىتتى قورشاعان ورتادان اۋلاقتاپ، جالعىز قاماپ قويادى. ءدال وسى ۋاقىتتا وعان قولتىراۋىننىڭ رۋحى كىرەدى دەپ ەسەپتەلەدى ەكەن.

قۇمىرسقا قولقاپتارى

برازيليادا ساتەرە-ماۆە تايپاسىندا  ۇل بالا 13 جاسقا كەلگەندە سىناقتان ءوتۋى كەرەك. ءجاسوسپىرىم قولىنا قۇمىرساقالارى بار قولقاپ كيىپ ون مينۋت بويى بيلەپ شىعۋى ءتيىس. مۇنداعى باستى شارت قاتتى جانى قينالسا دا، ايقايلاپ جىبەرمەي شىداۋ قاجەت.

وكيپ سالتاناتى

سولتۇستىك داكوتادا ماندانا رۋىندا جان-تۇرشىكتىرەر سالت بار. وكيپ مەيرامى 4 كۇن بويى تويلانادى.  وسى كۇندەر ىشىندە جاستار وزدەرىنىڭ قاھارماندىق قاسيەتتەرىن دالەلدەۋ ءۇشىن سىناقتان وتەدى. وسى ۋاقىت ارالىعىندا تاماق ىشۋگە، دەمالۋعا تىيىم سالىنادى. ناتيجەسىندە جىگىتتەردىڭ شىناشاقتارىن كەسەدى. باستى شارت نە بولسا دا، كۇلىمدەپ تۇرۋ.

ءتىس ەگەۋ

يندونەزياداعى مەنتاۆاي ارالىندا  قىزدار تەك تىستەرىن ەگەگەن سوڭ عانا سۇلۋلانا تۇسەدى دەگەن سەنىم قالىپتاسقان. ءتىستى ەگەۋدى تاستار مەن كەسۋ قۇرالدارى ارقىلى جۇزەگە اسىرۋ شارت.

كاننيبالليزم

ءۇندىستان سولتۇستىگىندە ءالى كۇنگە دەيىن ادام جەگىشتەر مەكەندەيدى ەكەن. احوريس تايپاسىنان شىققاندار ادام ەتىنىڭ كۇش پەن ەنەرگيا بەرەتىنىنە، الەمدى تانۋدا تۇسىنۋدە تاپتىرماس قاجەتتى اس دەپ تۇسىنەدى. وسى ماقساتتا ولار ولگەن ادام مايىتتەرىن قۋىرىپ جەي بەرەدى ەكەن.