مەن ايەلدەر مەن وتباسى جونىندەگى مينيسترلىكتى قۇرۋدى ۇسىنامىن
«ءسابيدىڭ ءومىرىن ساقتاپ قالا المادىق. قاتتى السىرەگەن بالا اۋرۋحاناعا جەتكىزىلگەن ۋاقىتتان بىرنەشە ساعات وتكەننەن كەيىن كوز جۇمدى...»
وسىنداي حاباردى وقىعاندا جۇرەگىم قانجىلايدى! كەزەكتى كوكەك انا ءوز بالاسىن ءولتىردى! ەندى قانشا شىداماقپىز؟ مىنە مەن ءبىر جىل بويى تاستاندى بالالار، قوعامداعى مورالدىق جانە ادامدىق قاسيەتتەردىڭ تومەندەۋى، بالا تاربيەسى سەكىلدى ماسەلەلەرگە كوڭىل اۋدارتۋعا تىرىسىپ كەلەمىن.
ويلاپ قاراڭىزدارشى، جاڭا تۋىلعان ءسابيدى كوبىنە قايدا تاستايدى؟ قوقىسقا! بۇل اقىلعا سىيمايدى! بالاعا قوقىس سەكىلدى قارايدى.
اتالمىش ماسەلەنى قوزعاعاندا قوعام بەلسەندىلەرى تەك نارازىلىعىن ءبىلدىرىپ قانا قويادى. ال ۇلت دەنساۋلىعىنا، جاستار مەن بالالاردىڭ مادەني، رۋحاني تاربيەسىنە جاۋاپ بەرەتىن مەملەكەتتىك ورگاندار قايدا؟ ولار نەلىكتەن ءۇنسىز وتىر؟ اتالمىش ماسەلەگە بەي-جاي قاراعاندىق پا، الدە ۋشىققان ماسەلەنىڭ تىنىشتانۋىن كۇتىپ ءجۇر مە؟ ءبىراق ءبىزدىڭ شەنەۋنىكتەر ەسەپ بەرگەندە جاساعان جۇمىستارىن ماقتانا ايتادى.
كەيبىر بيلىك وكىلدەرىنىڭ بارلىعىنا ايەل مەن بالانى كىنالايتىن، مەملەكەت پەن ۇكىمەتتىڭ وندا ەشقانداي قاتىسى جوق دەپ ەسەپتەيتىندەر مەنى تاڭ قالدىرادى.
اتالمىش ماسەلەگە جاۋاپتى مەملەكەتتىك ورگانداردىڭ ۇنسىزدىگىنەن شارشاعاندىقتان، مەن سادىربايەۆ ءاليا بولاتبەك قىزى ق ر پرەمەر-مينيسترى ب.ا.ساعىنتايەۆقا ءوتىنىش ايتامىن.
قۇرمەتتى باقىتجان ءابدىر ۇلى!
مەملەكەت ءۇشىن قازاقستان ازاماتى ءومىرىنىڭ ەشقانداي ءمانى جوق پا؟ ءسابي ءولىمى مەن ونىڭ ومىرىنە ءقاۋىپ ءتوندىرۋ، ايەل مەن بالالارعا زورلىق كورسەتۋ جانە پەدوفيليا كەڭ ەتەك جايىپ كەلە جاتقان قوعام تۋرالى نە ايتۋعا بولادى؟
وكىنىشكە وراي، كۇردەلى ماسەلەلەر ادەتتە تۇسىنۋگە وڭاي دۇرىس ەمەس شەشىمدەر قابىلداۋعا الىپ كەلەدى. اۋرۋ تالشىقتارى اعزاعا تۇسكەننەن كەيىن، ونىڭ شىعۋ سالدارىمەن ەمەس، اۋرۋمەن كۇرەسۋ كەرەك. جاڭا تۋىلعان شارانانىڭ كريمينالدى ءولىمى - قوعامنىڭ تەرەڭنەن ويلاي الماۋى، ءدۇنيتانىمىنىڭ قىسقالىعى مەن اۋىر دەرتىن سيپاتتايدى.
باقىتسىز ايەلدەر مەن بالالاردىڭ ماسەلەسىمەن كىم، قاشان، قالاي شەشەتىنىن بىلمەيمىز. بالا – ەلدىڭ بولاشاعى ەكەنىن ايتپاي-اق قويايىن. ولارعا دەگەن قانداي قارىم-قاتىناس بولسا، بولاشاعىمىز دا سونداي بولماق!
باقىتجان ءابدىر ۇلى، قوعام قايراتكەرى، قازاقستاننىڭ كەلەشەگى، ۇلت بولاشاعىنا الاڭدايتىن ادام رەتىندە، ايەلدەر مەن وتباسى ىستەرى جونىندەگى مينيسترلىكتى قۇرۋدى ۇسىنامىن. ءدال وسى ورگان ايەل مەن بالانى قورعاۋ، بالا مەن جاستاردىڭ رۋحاني تاربيەسىنە جاۋاپ بەرۋى كەرەك.
ءسىزدىڭ وسى ىسكە ارالاسۋىڭىز ارقىلى اتالعان ماسەلەلەر ءوز شەشىمىن تابادى دەپ ۇمىتتەنەمىن!
ءاليا سادىربايەۆانىڭ جەكە بلوگىنان الىندى
