ەۋروپالىق جۇمىس بەرۋشىلەر ەندى زاڭدى تۇردە ءوز قىزمەتكەرلەرىنە حيدجاپ كيۋگە تىيىم سالاتىن بولادى. بۇل ماسەلە ليۋكسەمبۋرگتاعى ەۋروپالىق سوتتا قارالدى دەپ حابارلايدى «قامشى» پورتالى bbc.com-عا سىلتەمە جاساپ. ونى ەۋروپالىق جوعارعى سوت ينستانسياسى قابىلدادى، سوندىقتان بۇل قاۋلى قايتا قارالۋعا، شاعىم جاساۋعا جارامسىز.
«ادامنىڭ بەلگىلى-بىر ءدىني، ساياسي، فيلوسوفيالىق كوزقاراستارىن بىلدىرەتىن، كورسەتەتىن اتريبۋتتاردى تاعۋ، قولدانۋعا شەكتەۋ قويۋى تىكەلەي ديسكريميناسيا ەمەس»- دەلىندى سوتتا.
«الايدا ەگەر كومپانيادا وسىنداي اتريبۋتتارعا تىيىم سالىنباعان جاعدايدا، كەلۋشى كليەنتتەردى حيدجاب كيگەن قىزمەتكەرلەردىڭ قىزمەت كورسەتۋى مازالاپ، ىڭعايسىز جاعدايعا تۇسىرسە، ول ديسكريميناسيا بولىپ ەسەپتەلەدى»-دەپ اتاپ ءوتىلدى. ياعني، جۇمىس بەرۋشىگە ەمەس، كليەنتتەردىڭ قالاۋىنا دا وتىرعان بۇل شەشىم ىڭعايلى جاسالىپ وتىر.
بۇل ماسەلەگە بايلانىستى سوت پروسەسىنىڭ جۇزەگە اسۋىنا سەبەپشى بولعان ساميرا اشبيتا ەسىمدى بەلگيا ازاماتشاسى بولدى. جۇمىس ىستەپ جۇرگەن كومپانياسى مۇسىلمان ورامالىمەن كەلگەن ساميرانى جۇمىستان شىعارىپ جىبەرگەن. ساميرا اشبيتا مۇنداي قارىم-قاتىناستى ءوز قۇقىعىنىڭ شەكتەلۋى دەپ ءتۇسىنىپ، سوتقا ارىزدانعان. الايدا، سوت ونىڭ تالابىن قاناعاتتاندىرمادى.
ەۋروپا ەلدەرىنىڭ ءبىرقاتارىندا مۇسىلمان كيىمدەرىن، حيدجاب كيۋگە تىيىم سالىنعان.
