قوزعالىسقا ۋاقىتشا شەكتەۋلەر قويۋ ءىس-قيمىلدارى قازاقستان رەسپۋبليكاسىنىڭ بارلىق ايماقتارىندا ەنگىزىلىپ جاتىر دەپ حابارلايدى "قامشى" اقمولا وبلىسىنىڭ كولىكتىك باقىلاۋ ينسپەكسياسى سىلتەمەسىمە جاساپ. قازاقستان رەسپۋبليكاسى كولىك جانە كوممۋنيكاسيا ءمينيسترىنىڭ 2013 جىلعى 11 ناۋرىزداعى № 162 «قازاقستان رەسپۋبليكاسىنىڭ جالپى پايدالانىمداعى رەسپۋبليكالىق ماڭىزى بار اۆتوموبيل جولدارى بويىنشا اۆتوكولىك قۇرالدارىنىڭ قوزعالىسىن ۇيىمداستىرۋ تۋرالى» بۇيرىعىنا سايكەس قازاقستان رەسپۋبليكاسىنىڭ رەسپۋبليكالىق ماڭىزى بار اۆتوموبيل جولدارى بويىنشا اۆتوكولىك قۇرالدارىنىڭ قوزعالىسىن ۇيىمداستىرۋ IV  جانە V جول-كليماتتىق ايماققا بولىنگەن.

IV جول – كليماتتىق ايماقتا ورنالاسقان اقمولا وبلىسى،  اقتوبە وبلىسى، شىعىس قازاقستان وبلىسى،  باتىس قازاقستان وبلىسى، قاراعاندى وبلىسى ، قوستاناي وبلىسى ، پاۆلودار وبلىسى ، سولتۇستىك قازاقستان وبلىستارى ءۇشىن 23 ناۋرىز بەن 1 مامىر ارالىعىندا قوزعالىسقا ۋاقىتشا شەكتەۋلەر قويۋ ءىس-قيمىلدارى ەنگىزىلەدى.

                V جول-كليماتتىق ايماققا الماتى وبلىسى،  اتىراۋ وبلىسى،  جامبىل وبلىسى،  قاراعاندى وبلىسى ، قىزىلوردا وبلىسى ، ماڭعىستاۋ وبلىسى ، وڭتۇستىك قازاقستان وبلىستارى كىرەدى. ۋاقىتشا قوزعالىستى شەكتەۋ 1 ناۋرىزدان  1 ءساۋىر ارالىعىندا ەنگىزىلەدى.

اقمولا وبلىسىنىڭ اۋماعىندا 23 ناۋرىز بەن 1 مامىر ارالىعىندا جەكە بىلىككە تۇسەتىن جۇكتەمەسى 8 توننادان ارتىق اۆتوكولىك  قۇرالدارىنىڭ قوزعالىسىنا شەكتەۋ ەنگىزىلەدى.

ايتا كەتەتىنى جەكە بىلىككە تۇسەتىن جۇكتەمەسى 8 توننادان ارتىق اۆتوكولىك قۇرالدارىنىڭ قوزعالىسىنا ۋاقىتشا قوزعالىستى شەكتەۋدىڭ جىل سايىنعى ارەكەتتەرى مەرزىمگە سايكەس ەنگىزىلەدى.