بۇگىن، الماتىداعى ۇلتتىق كىتاپحانادا «احمەت بايتۇرسىن ۇلىنىڭ عىلىمي مۇراسى: زەرتتەۋ، جۇيەلەۋ، ناسيحاتتاۋ» اتتى عىلىمي كونفەرەنسيا ءوتىپ جاتىر دەپ حابارلايدى Qamshy.kz ءتىلشىسى.
ۇلت ۇستازى بايتۇرسىن ۇلىنىڭ عىلىمي مۇراسى تۋراسىنداعى عىلىمي كونفەرەنسيانى احمەت بايتۇرسىن ۇلى اتىنداعى ءتىل ءبىلىمى ينستيتۋتى مەن ق ر ۇلتتىق كىتاپحاناسى ۇيىمداستىرعان.
عىلىمي كونفەرەنسيا اياسىندا كىتاپحانانىڭ سيرەك قورىنان بايتۇرسىن ۇلى ەڭبەكتەرى تۋراسىنداعى كورمە ۇيىمداستىرىلعان. ۇلتتىق كىتاپحانا ديرەكتورى جانات سەيدۋمانوۆتىڭ ايتۋىنشا كىتاپحانادا بايتۇرسىن ۇلى مۇرالارى تۋراسىندا 2502 ەڭبەك بار. ولاردىڭ كوبى سيرەك قورلارعا جاتادى.
عىلىمي كونفەرەنسياعا قازاقتىڭ زيالى قاۋىم وكىلدەرىنەن ۇلكەن شوعىر جينالعان. قاتىسىپ جاتقاندار اراسىندا عۇمىرىن قازاق ءتىلى تاريحى مەن گرامماتيكاسى، ءتىل مادەنيەتى ماسەلەلەرىنە ارناعان اكادەميك ءرابيعا سىزدىق پەن شورا سارىبايەۆ، اكادەميك ءومىرۇزاق ايتبايەۆ، پروفەسسور تۇرسىن جۇرتباي، پروفەسسور ايگۇل ءىسماقوۆا سياقتى عالىمدار، بايتۇرسىن ۇلىنىڭ جيەنى ايمان بايسالوۆا، سونىمەن قوسا ءبىر توپ جاس عالىمدار مەن ستۋدەنتتەر بار.
كونفەرەنسيا تۋرالى تولىقتاي ماتەريال الداعى ساعاتتاردا جاريالانادى.
