شپەكبايەۆ مەملەكەتتىك قىزمەتتەگى ەڭ پاراقور ۆەدومستۆولاردى اتاپ بەرگەن. وعان ساي اكىمدىكتەر ەڭ پاراقور قۇرىلىمدار. بۇل تۋرالى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ورىنباسارى اليك شپەكبايەۆ مالىمدەگەن. بەلگىلى بولعانداي، وتكەن جىلى قازاقستاندا مەملەكەتتىك قىزمەت بويىنشا 500-دەن اسا جەمقورلىق فاكتى تىركەلگەن. بۇنداي دەرەكتى كەلتىرگەن شپەكبايەۆ باتىستا جانە باسقا دا دامىعان ەلدەردە جەمقورلىق فاكتىسى تىركەلگەن جاعدايدا ءبىر ۇجىمنىڭ تۇگەلدەي جۇمىستان كەتەتىنىن مىسال ەتكەن.
«ەڭ كوپ پارا الاتىندار - اكىمدىكتەگىلەر، ىشكى ىستەر قىزمەتىندەگىلەر، اۋىل شارۋاشىلىعى مينيسترلىگى، قارجى مينيسترلىگىنىڭ مەملەكەتتىك كىرىستەر دەپارتامەنتى. وسى قۇرىلىمداردا پاراقورلىق جايلاپ تۇر، بۇلارعا قارسى ەسكەرتۋ مەن پروفيلاكتيكالىق شارالار قولدانۋ قاجەت»، - دەدى اگەنتتىك باسشىسى ورىنباسارى شپەكبايەۆ.
ونىڭ ايتۋىنشا، مۇنىڭ الدىن الۋ ءۇشىن مەملەكەتتىك قىزمەتتەردى ەلەكتروندى فورماتقا كوشىرۋ كەرەك جانە مەملەكەتتىك قىزمەتتە جۇرگەندەردىڭ جالاقىسىن ءوسىرۋ قاجەت. «ءبىرىنشى كەزەكتە ولاردا ەكونوميكالىق موتيۆاسيا بولۋى ءتيىس. جالپى سىبايلاس جەمقورلىققا قارسى كۇرەس جۇرگىزبەگەن باسشىلارعا تالاپتى كۇشەيتىپ، شارا قولدانۋ كەرەك»، - دەگەن. ونىڭ سوزىنشە ەگەر دە مەمقىزمەتكەرلەردىڭ 35 پايىزى قىسقارتىلسا، وندا اكىمشىلىك شىعىنداردى دا ۇنەمدەي وتىرىپ، مەملەكەتتىك قىزمەتكەرلەردىڭ ەڭبەكاقىسىن ەكى ەسەگە ارتتىرۋعا مۇمكىندىك بولادى.
ايتا كەتەتىن بولساق، جاقىندا عانا جەمقورلىق داۋىنا ىلىككەن وڭتۇستىك كورەيا پرەزيدەنتى پاك كىن حەگە ەل پارلامەنتى يمپيچمەنت جاريالاپ، بىرنەشە كۇن بۇرىن ەلدىڭ كونستيتۋسيالىق سوتى يمپيچمەنتتى ماقۇلداعان ەدى.
