«فاكەل» اتتى رەسەيلىك ۆولەيبول كلۋبىنىڭ ويىنشىسى الەكساندر كيمەريەۆتى اياعىنىڭ ۇزىندىعىنا بايلانىستى سامارا-ماسكەۋ باعىتىندا ۇشاتىن اۋە ۇشاعىنان ءتۇسىرىپ جىبەرگەن. بۇل تۋرالى جۋرناليست پەتر كونداكوۆ ءوزىنىڭ Facebook پاراقشاسىندا جازدى.
الەكساندر كيميريەۆتىڭ بويى 215 سانتيمەتر ەكەن. ول ورىندىققا سىيماعاندىقتان باسقا جولاۋشىمەن ورىن اۋىستىرعان. الايدا بۇل «پوبەدا» اۋە كومپانياسى قىزمەتكەرىنە ۇناماي، ول سپورتشىنى ءوز ورىنا قايتارىپ، كەيىنىرەك ۆولەيبولشىنىڭ اياعى جولسەرىكتەردىڭ جۇرۋىنە كەدەرگى كەلتىرگەنىن ايتىپ، كومانديرگە شاعىم تۇسىرگەن.
ۇشاقتىڭ ۇشۋ ۋاقىتىسى 40 مينۋتقا كەشىكتىرىلدى. بورتقا پوليسەيلەردى شاقىرعان. ولار كيمەريەۆتى ۇشاقتان شىعارىپ جىبەرگەن. بولعان وقيعا ۆيدەوعا ءتۇسىرىلدى. ۆيدەو اۆتورى "پوبەدا" اۋە كومپانياسىنىڭ ءوز ەرەجەلەرى بار ەكەنىن جانە كلۋب سپورتشىنىڭ ۇزىندىعىن ەسكەرىپ، دۇرىس ورىن تاڭداۋى كەرەكتىگىن ايتقان.
