40 جىلداي تاريحى بار، قازاق قالجىڭ ونەرىنىڭ قارا شاڭىراعى، قازاقتىڭ ساحناسىندا كۇنى بۇگىنگە دەيىن اتىنان ات ۇركەتىن ونەر مايتالماندارى جالپاق الەمگە تانىلعان «تاماشا» ەندى بىردە «تاماشا 7كم»، بىردە «تاماشا سيتي» بولىپ، «بولماساڭ دا ۇقساپ ب ا ق، ءبىر جاماندى كورسەڭىز» دەرتىنە شالدىعىپتى. رەسەيدىڭ ارنالارىندا وتەتىن بادىك - شوۋلاردىڭ كوشىرمەسى بولدى. ءوزىنىڭ سارا جولى بار ەمەس پە ەدى؟ ءوزىنىڭ ايتار تۇيەدەن تۇسكەندەي ءتۇيىندى ءسوزى بار ەمەس پە ەدى. ەندى سونىڭ ءبىرى دە جوق. اراسىندا «ءاپ، بارەكەلدى!» دەي باستاساڭ ارتىنان كوڭىلىڭ قالاتىن شالا ويىن، ءبالدىر باتپاق شىمشىما شولتاڭ ەتە قالادى. ءوز جولىنان تايقىپ، وزگەنىكىن كوشىرەتىن جولعا تۇسكەنىنە نە سەبەپ؟ «تاماشا» ىزدەنۋ جولىندا» - دەيتىن شىعارسىزدار بالكىم. ىزدەنەتىندەي كەشە اشىلعان حابار بولساڭدار ءبىر ءسارى عوي. 40-جىل بولعان «تاماشا» ەمەس پە ەدى؟! 
بىر-ەكەۋىن كوزىم شالىپ قالدى. تانىستاردان سۇراسام، «كورگەمىز جوق، قالاي ەكەن؟» - دەيدى. دەمەك، كورۋشى ىنتىقپايتىن دۇنيەنى باستاعانسىزدار. قويا قويىڭىزدار! رەسەيدىڭ شوۋلارىن جامان دەمەيمىن. كەرەمەت! ءبىراق ول وزدەرى ءۇشىن! قازاق ءۇشىن ەمەس. بىزدەن كورگەنىن ىستەپتى دەپ سىزدەردى اۋەلەتىپ، اسپانداتىپ، اتاقتارىڭىزعا اتاق قوسىپ، رەسەيدەگى 250 ميلليون كورەرمەن سىزدەرگە اۋىپ كەتسە قۋانار ەدىم. ءبىراق ول بولمايدى! تىراشتانباي-اق قويىڭىزدار! قازاق كورەتىن، استانا مەن الماتىداعى شالا قازاق ەمەس، ەلدەگى قازاق كورەتىن «تاماشا» قۇرىدى! ال، كوپيا رەتىندە جاقسى شىعارسىزدار، ءبىراق، تەك قانا كوپيا عانا! ۇيات!

فەيسبۋك قولدانۋشىسى مەيىرحات مادەنيەتتىڭ پاراقشاسىنان الىنعان جازبا