قر-نىڭ cىرتقى ىستەر مينيسترلىگىنىڭ مالىمەتىنشە، قازاقستان ازاماتى مارتەبەسىنەن ايىرىلعان كاريم باراتوۆ كانادادا حاكەرلىك شابۋىل جاساعانى ءۇشىن ۇستالعان دەپ حابارلايدى qamshy.kz  Zakon.kz-كە سىلتەمە جاساپ. Yahoo پلاتفورماسىنا شاۋبىل جاسادى دەگەن ايىپپەن ۇستالعان ەكس-قازاقستاندىق ازامات 2011 جىلى قازاقستان ازاماتتىعىنان ايىرىلعان.

سىرتقى ىستەر مينيسترلىگى كاريم باراتوۆ ەسىمدى ازاماتتىڭ قازاقستان ازاماتتىعىنان زاڭ نەگىزىندە ايىرىلعانىن جەتكىزدى. الايدا اقپاراتتىڭ دۇرىس بەرىلمەۋى سالدىرىنان ونى شەتەلدىك ب ا ق قازاقستاندىق دەپ قابىلداپ وتىرعان كورىنەدى.

اقش بيلىگى 2014 جىلى رەسەيدى حاكەرلىك شابۋىل جاساعانى ءۇشىن ايىپتاعان بولاتىن. Yahoo پورتالىنا جاسالعان شابۋىلى ناتيجەسىندە 500-گە جۋىق اككاۋنتتار بۇزىلعان. امەريكاندىق رەسمي تۇلعالار ەكى ادامنىڭ تۇتقىندالعانىن ونىڭ ىشىندە كاريم باراتوۆ تا بار ەكەنىن جەتكىزدى.

باراتوۆتى رەسەي ازاماتى دەپ ايىپتاعانىمەن، The Washington Post گازەتى ونى  كانادادا تۇرىپ جاتقان قازاقستاندىق دەپ جازعان.  حاكەردى پلاتفورماعا شابۋىل جاساپ، اقپارات ۇرلاعانى ءۇشىن ايىپتاپ وتىر. امەريكاندىقتاردىڭ ايتۋىنشا، بۇل ارەكەت  رەسەيگە قاجەتتى  جانە قۇپيا اقپاراتتارعا جول اشۋ ماقساتىندا جاسالعان شابۋىل بولعان.