قازاقستاندا بتا بانكتىڭ بۇرىنعى باسشىسى مۇحتار ءابليازوۆقا قاتىستى قىلمىستىق ءىس قوزعالعان، فرانسيا تۇرمەسىندە وتىرعان ەكس-بانكير قازىرگى تاڭدا بوستاندىقتا ءجۇر دەپ جازادى nur.kz.

وتكەن جىلدىڭ جەلتوقسان ايىندا فرانسيا مەملەكەتتىك كەڭەسى ءابليازوۆتى ەكستراديسيالاۋدان باس تارتقان سوڭ، ەكس-بانكير فرانسۋز تۇرمەسىنەن بوستاندىققا شىقتى.

ءابليازوۆ 1963 جىل مامىردىڭ 16 كۇنى وڭتۇستىك قازاقستان وبلىسى، لەڭگىر اۋدانى، گالكينو اۋىلىندا دۇنيەگە كەلگەن. 1986 جىلى ماسكەۋدىڭ ينجەنەرلى فيزيكالىق ينستيتۋتىن «فيزيك-تەورەتيك» ماماندىعى بويىنشا ءتامامداعان.

ول الما شالابايەۆامەن 1991 جىل بيزنەسپەن ەندى اينالىسا باستاعان كەزدە وتاۋ قۇرعان.

ءابليازوۆتىڭ جارى الما شالابايەۆا 1966 جىلى تامىزدىڭ 15 كۇنى دۇنيەگە كەلگەن، ءال-فارابي اتىنداعى قازاق ۇلتتىق ۋنيۆەرسيتەتىن "ماتەماتيكا" ماماندىعى بويىنشا بىتىرگەن.

ءابليازوۆتىڭ ايتۋىنشا، ايەلى ەكەۋىنىڭ تۇڭعىشتارى قىز بولاتىنىنا سەنىمدى بولعان.

"ونىڭ دۇنيەگە كەلۋى تولىقتاي ءبىزدىڭ ءومىرىمىزدى جانە مەنىڭ بولاشاق ماماندىعىمدى وزگەرتتى. ول كەزدە مەن فيزيكا عىلىمدارىمەن اينالىسقان، ۋنيۆەرسيتەتتىڭ عىلىمي قىزمەتكەرى بولاتىنمىن. ءبىز جاتاقحانانىڭ شاعىن عانا بولمەسىندە تۇردىق. جاس وتباسىمىز، جاعدايىمىز ونشا ءماز ەمەس. مەن ول كەزدە مەن شاحمات پەن ماتەماتيكاعا اۋەس ەدىم. قوعامدىق ومىرگە دە ارالاسىپ ۇلگەردىم"، - دەپ جازعان.

توعىز مەترلىك بولمەنىڭ ىلعالدى، ءبىر عانا جابىق تەرەزەسى بولعان. ءتىپتى، بولمە ىشىندە ءتۇن جارىمىندا تىشقاندار ءجۇرىپ، مادينانى "ەستەن تاندىراتىن".  كەيىننەن توعىز ايلىق بالا وكپەسىنە سۋىق تيگىزىپ، اۋىردى"، - دەيدى مۇحتار.

بانكير ءوزىنىڭ سول ساتتە عانا عىلىممەن اينالىسۋدىڭ كوپ تابىس اكەلمەيتىنىن تۇسىنگەن.

1988 جىلدىڭ ءساۋىر ايىنان 1999 جىلدىڭ قازان ايىنا دەيىن ول قازاقستاننىڭ ەنەرگەتيكا، يندۋستريا جانە ساۋدا ءمينيسترى قىزمەتتەرىن اتقاردى.

1998 جىلدان باستاپ ءابليازوۆ بتا بانكىنىڭ ءتوراعاسى بولىپ تاعايىندالدى. 2005-2009 جىلدار ارالىعىندا مۇحتار ءابليازوۆقا بتا بانكىنەن اقشا جىمقىردى دەگەن ايىپ تاعىلدى.

ەكس-بانكيردىڭ بۇگىندە ءتورت بالاسى بار، ولار: مادينا، ماديار، الۋا جانە الديار. مۇحتار ءوز وتباسىن شىدامدىلىقتارى ءۇشىن جاقسى كورەتىنىن ايتتى.

قازىرگى تاڭدا مادينا ءابليازوۆا - الماتىنىڭ ەكس-اكىمى ۆيكتور حراپۋنوۆتىڭ ۇلى ءىلياستىڭ جارى.

 ءابليازوۆقا قاتىستى قىلمىستى ءىس رەسەي مەن ۋكراينادا دا قوزعالعان، دەگەنمەن ونى وزدەرىنە قايتارۋ ناتيجەسىنە رەسەي مەن ۋكراينا عانا قول جەتكىزدى. سەبەبى استانانىڭ پاريجبەن ەكستراديسيالاۋ جايلى كەلىسىمى جوق. 

قازاقستاننىڭ قازىرگى كۇشىندەگى زاڭى سوتقا ايىپتالۋشى كەلمەگەن جاعدايدا سىرتىنان ءىستى قاراستىرۋ جاعىنا قول جەتكىزبەكشى ( 335 قپك بابى).

ءابليازوۆتىڭ ءىسى بويىنشا قوسىمشا سوت تىڭدالىمى الماتىدا  ناۋرىزدىڭ 17 كۇنى وتەدى.