قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ وتاندىق جانە حالىقارالىق باق-پەن كەزدەسۋ بارىسىندا ءوزىنىڭ قازاقستانداعى بەلگىلى وبەكتىلەرگە ءوزىنىڭ  اتىن بەرۋگە بايلانىستى ءوز پىكىرىن ءبىلدىردى دەپ حابارلايدى qamshy.kz  Today.kz-كە سىلتەمە بەرە وتىرىپ. Esquire جۋرنالىنىڭ شەف-رەداكتورى گۇلنار باجكەنوۆا قويعان: «قازىرگى ۋاقىتتا الەۋمەتتىك جەلىدە ءسىزدىڭ قۇرمەتىڭىزگە ارناپ ءان شىرقاپ، ولەڭ شىعارىپ، كينو ءتۇسىرىلىپ جاتقاندىعى تۋرالى كوپ جازاتىن بولدى. دەپۋتاتتار تاراپىنان دا  سىزگە ارناپ ەسكەرتكىش ورناتۋ، كەيبىر وبەكتتەرگە اتىڭىزدى بەرۋ تۋرالى ماسەلە ءجيى قوزعالادى. وسىعان كوزقاراسىڭىز قانداي؟» دەگەن سۇراعىنا پرەزيدەنت بىلاي دەپ جاۋاپ قايىردى:

«ماعان بۇل كەرەك ەمەس. مەن سىزدەرگە ءارقاشان وسىنى ايتامىن. مارك اۆرەليي ءوز ۋاقىتىندا بىلاي دەگەن: "ەسكەرتكىشتەردى تەك وزدەرىنىڭ بولاشاق ۇرپاقتاردىڭ ەسىندە، جۇرەگىندە قالاتىنىنا سەنبەيتىندەر ورناتادى. ەشقانداي ەسكەرتكىش، ادامنىڭ جاساعان تىرلىكتەرىن كورسەتە المايدى. ماسەلەن، ستالين، لەنينگە كەزىندە وزدەرىنىڭ ءىلتيپاتىن ءبىلدىرىپ، ەسكەرتكىش ورناتقان ادامدار كەيىن وزدەرى سول باسشىلارعا قارسى شىعىپ، جەك كورگەن. بولاشاقتا مەن پرەزيدەنتتىكتەن كەتكەن ۋاقىتتا كەلەر ۇرپاق ءدال وسىلاي ويلاسا نە بولماق؟»-دەدى.

سۇراققا جاۋاپ بەرۋ بارىسىندا پرەزيدەنت مۇنداي ىس-ارەكەتتەرگە ءىلتيپاتسىزدىعىن ءبىلدىردى. سونىمەن بىرگە، ءوز سوزىندە ەلباسى ءوز اتىن تەك نازاربايەۆ ۋنيۆەرسيتەتىنە ۇسىنعان ۋاقىتتا عانا كەلىسىمىن بەرگەندىگىن ايتتى.

«بۇل ۋنيۆەرسيتەت قازاقستاننىڭ عىلىمي ورتالىعىنا اينالدى. مەن ونىڭ ەرەكشە جوعارعى وقۋ ورنىنا اينالاتىنىنا سەندىم، سوندىقتان دا ءوز كەلىسىمىمدى بەردىم. بارلىق جوعارعى وقۋ ورىندارى وسى ۋنيۆەرسيتەتتەن ۇلگى العانىن قالادىم. ال ەندى قالعان نارسەلەرگە قاتىستى مەن ءوزىمنىڭ قارسى ەكەنىمدى ايتتىم. تاعى دا ايتامىن: ماعان بۇل قاجەت ەمەس. ادام حاقىندا ونىڭ ىس-ارەكەتى، ەڭبەگى، ادامگەرشىلىگى ايتۋى قاجەت. ارتىندا قالدىرعان ءىزى مەن ورنى ايتۋى قاجەت. مەن ەل باسقارۋىم كەرەك بولدى. ەلىمە باسشى بولىپ  قازاقستان دەگەن مەملەكەتتى كارتادا بەلگىلەپ، ونىڭ استاناسىن سالۋ ماعان بەرىلگەن مىندەت بولدى. ەندى مىنە، استانا –بۇگىن ءبىزدىڭ ەلىمىزدىڭ ماقتانىشى بولىپ وتىر»-دەدى ەلباسى.