باعىتتاعى كۇشتەر مەن سول باعىتتىڭ قولداۋشىلارى: رەسەي، يران جانە تۇركيا. العاشقى ەكى مەملەكەت شييتتەردى قولدايدى، اسادتىڭ تەگى - الاۆيتتەر وكىلى، شييت باعىتتاعىلار، «قىزىلباستار»، «الي-اللا» قولداۋشىلارى. مەن ءدىندار ادام ەمەسپىن، ءبىراق بۇل جاعداي وتە ماڭىزدى. سونىمەن يران، رەسەي جانە سيريا باسشىسى اساد سۋننيتتەرگە قارسى سوعىسىپ جاتىر. ەگەردە دايش-قا قارسى ەكى كواليسيانىڭ سوعىسى دۇرىس باعىت دەسەك، بۇل مەملەكەتتەر كواليسياسىنىڭ باسقا اسكەري ارەكەتتەرى دەسترۋكتيۆتى. دايش-قا ( الإسلاميّ الدّولة )توقتالايىن – بۇل ەكسترەميستىك، تەرروريستىك مەملەكەت سىماق. ولار اسىرە يسلامدىق مەملەكەت قۇرىپ يراك پەن ليەۆانتتى جانە جاپسارلاس جاتقان اراب مەملەكەتتەرىن دايش-قا بىرىكتىرمەك. اعىلشىنشا ولاردى the Islamic State of Iraq and the Levant (ISIL)، also known as the Islamic State of Iraq and Syria (ISIS ) دەپ اتاپ ءجۇر. Cيرياداعى داعدارىسقا اكەسى مەن بالاسى اسادتار وتباسى جانە سولاردىڭ ديكتاتورلىق رەجيمى كىنالى. بۇل تۇجىرىمدى مەن اراب الەمىندەگى داعدارىستى زەرتتەگەن باسىممەن ايتىپ وتىرمىن. سيريادا بۇگىنگى كۇندە رەسەي بازاسىندا جانە باسقا شايقاس الاڭىندا رەسەيدىڭ اسكەري كۇشتەرى قاقتىعىستارعا قاتىسۋدا. شەشەن باتالونىنا قوسا ينگۋش باتالونى، جەكە قالماقتار جانە ورىس ەرىكتىلەرى سيريادا سوعىسىپ ءجۇر.
كىم، كىمگە قارسى. قارسى تاراپتار: سونىمەن ىمىراشىلدىق ميسسيانى جانە دەمەۋشىلىكتى، سوعىستى ىنتالاندىرىپ، قوزدىرىپ وتىرعان كۇشتىڭ ءبىر جاعى - ول رەسەي مەن يران ، ال تۇركيا ءوز شەكارالارىنىڭ ماڭىنداعى قاۋىپسىزدىكتى ويلاپ كۇردتەرگە قارسى ارەكەتتەر جاساپ ءجۇر. اراب ەلدەرىنىڭ كوبىسى جانە مۇسىلمان سۋننيتتەر شييتتەرگە قارسى سوعىسادى. ماسەلەن، ساۋد ارابياسى استانا سامميتىنە قاتىسپايدى، اقش تا قاتىسپايدى. ايتپاقشى، سۋننيتتەر جاعىندا جەكە شەشەندەر، سولتۇستىك كاۆكاز مۇسىلماندارى جانە از توپ قازاقتار دا بار اراسىندا.
قازاقستان ءۇشىن قاۋىپتەر. زاۋالدار: قازىرگى الەمدە ەڭ ىقپالدى ءبىر اق مەملەكەت بار – ول اقش، ونىڭ ەسەرلەۋ، ءبىراق تىكشىل جانە ءادىل پرەزيدەنتى تاعى بار، ول دونالد ترامپ. ۋكرايناعا رەسەي شابۋىل جاسادى، قىرىمدى تارتىپ الدى دەپ ترامپ رەسەيگە قاتتى اشۋلى. سول سياقتى اقش-تىڭ رەسەيدىڭ سيرياداعى ارەكەتتەرىنە دە كوڭىلى تولمايدى، ءتىپتى سول ارەكەتتەرىنە قارسى. سەبەبى اقش اساد رەجيمىنىڭ وزىنە قارسى. اقش سيرياداعى دەموكراتيالىق وپپوزيسيالىق كۇشتەردى قولدايدى. كەيىن، اساد كەتكەن سوڭ سولارعا سيرياداعى بيلىكتى تاپسىرماق. ال رەسەي سيريانىڭ دەموكراتيالىق وپپوزيسيالىق اسكەري كۇشتەرىنىڭ مۇددەلەرىمەن ساناسپايدى. يران يادرولىق قارۋ جاساۋدا جانە سول قارۋدى يزرايلگە قارسى پايدالانادى دەگەن اقش-تا قاۋىپ پەن كۇدىك بار. يران اسكەرلەرى اشىق تۇردە اسادتىڭ اسكەرىن قولداپ سوعىسىپ ءجۇر جانە سيريانىڭ دەموكراتيالىق وپپوزيسيالىق اسكەري كۇشتەرىمەن سوعىسۋدا. رەسەي مەن يران بۇگىنگى تاڭدا يزگوي – شاپقىنشى مەملەكەت. اقش سەناتى دا رەسەي مەن يرانعا قوسىمشا سانكسيالاردى كۇشەيتىپ سالماقشى، سولاي قىسىم جاساماقشى.ەرتەڭ ترامپ اسكەري ساياسي اناليتيكتەرى سيريا ءدۇردارازدىعىندا رەسەي مەن يراننىڭ ارەكەتتەرىن تالداپ وتىرىپ قازاقستاننىڭ ءوز استاناسى استانا تورىنە ەكى سۇيكىمسىز مەملەكەتتى قايتا-قايتا جيناپ ولاردىڭ سيرياداعى سودىر باسشىلارىن ىمىرالاستىرعان ءۇشىن ءبىز، قازاق ەلى ەرتەڭ وپىق جەمەيتىنىمىزگە كىم كەپىل؟ ءبىزدىڭ باسىمىزعا اقش جانە ەۋروپالىق وداق سانكسيالارى ويناماي ما؟ سەبەبى ءبىز قاتارىنان ەكى يزگوي مەملەكەتتىڭ جان دوسى جانە جاندايشابى بولىپ ءجۇرمىز. بۇل ساياسات بۇرىنعى سىرتقى ىستەر ءمينيسترى بەلگىلى ورىسشىل ادام ىدىرىسوۆتىڭ ساياساتىنىڭ سالدارى دەسەم ارتىق ايتقان ءسوز ەمەس. بۇل قاتەلىكتەردى جويۋ كەرەك. ەگەر ساۋد ارابياسى مەن اقش بارا كەلە استانا كەزدەسۋلەرىنە قوسىلماسا وندا ءماسليحاتتى دوعارۋ كەرەك.
