يەمەندە تىرىسقاق اۋرۋىنا شالدىققانداردىڭ سانى 300 مىڭنان استى. ءقاۋىپتى دەرتتەن 1 مىڭ 600-دەن استام ادام كوز جۇمعان. مۇنى حالىقارالىق قىزىل كرەست كوميتەتى مالىمدەدى. بۇل تۋرالى قامشى اقپارات اگەنتتىگى شەتەلدىك ب ا ق-قا سىلتەمە جاساپ حابارلايدى.
ال وتكەن ايدىڭ سوڭىندا دۇنيەجۇزىلىك دەنساۋلىق ساقتاۋ ۇيىمى جۇقپالى اۋرۋدىڭ ەل اۋماعىندا كەڭىنەن تارالىپ بارا جاتقانىن حابارلادى. مامانداردىڭ ايتۋىنشا، كۇنىنە 7 مىڭنان استام ادام ءقاۋىپتى دەرتتى جۇقتىرادى ەكەن. ويتكەنى ىندەتپەن كۇرەسۋ ءۇشىن دارى-دارمەك پەن ماماندار تاپشى.
ايتا كەتەيىك، يەمەندە تىرىسقاق اۋرۋىنىڭ شىعۋىنا 2014 جىلى باستالعان ابد-راببۋ حادي ۇكىمەتى جاقتاستارى مەن حۋسيت كوتەرىلىسشىلەرى اراسىنداعى سوعىس تۇرتكى بولدى.
شولۋشى: ايگەرىم تاۋباي
