ۆەدومستۆو باسشىسى ەلجان ءبىرتانوۆتىڭ ايتۋىنشا، جاقىندا دارىگەرلەر رەسەپتەرىن ەلەكتروندى تۇردە بەرە باستايدى. بۇل تۋرالى قامشى اقپاراتتىق اگەنتتىگى 24.kz-كە سىلتەمە جاساپ حابارلايدى. مۇنداي شەشىم جۇيەنى باقىلاۋدى جەڭىلدەتەدى. سونداي-اق ناۋقاستار قاجەتتى دارى-دارمەكتەردىڭ بار-جوعىن ونلاين تۇردە تەكسەرە الادى. ول ءۇشىن ارنايى ءموبيلدى قوسىمشا ىسكە قوسىلادى. تەلەفون ارقىلى پرەپاراتتاردىڭ ستاندارتقا ساي ەكەندىگىن كورۋگە بولادى جانە دارىلەردىڭ شتريح-كودىن ەنگىزىپ، جالعان تاۋارلاردى انىقتاۋعا دا مۇمكىندىك بار. ەلجان ءبىرتانوۆ، ق ر دەنساۋلىق ساقتاۋ ءمينيسترى: - ءار ادام ۇيالى تەلەفونىنا ءموبيلدى قوسىمشانى جۇكتەپ، دارىگەرلەردى وزدەرى تاڭداي الادى. باعدارلاما ارقىلى حابارلامالار جىبەرىپ، بەينە بايلانىسقا دا شىعادى. كۇزدە انالارعا ارنالعان ءبىرىنشى ءموبيلدى قوسىمشا ىسكە قوسىلادى. دارىگەر ونىڭ ارقاسىندا بالانىڭ دەنساۋلىعىن ونلاين تۇردە باقىلايدى. جىل سوڭىنا دەيىن قانت ديابەتىنە شالدىققان ازاماتتارعا دا باعدارلاما ازىرلەيمىز-دەپ اتاپ ءوتتى.