ق ر ۇلتتىق ەكونوميكا ءمينيسترى تيمۋر سۇلەيمەنوۆ الەۋمەتتىك ماڭىزى بار ازىق-تۇلىك تاۋارلارىنىڭ باعالارىنا قاتىستى جاعداي تۋرالى باياندادى، دەپ حابارلايدى قامشى اقپاراتتىق اگەنتتىگى پرەمەر-مينيستردىڭ سايتىنا سىلتەمە جاساپ.

«جاسالعان مەموراندۋمدار اياسىنداعى مينيسترلىكتەر مەن اكىمدىكتەردىڭ بىرلەسكەن جۇمىسى الەۋمەتتىك ماڭىزى بار ازىق-تۇلىك تاۋارلارىنا تۇتىنۋشىلىق باعالار يندەكسىنىڭ ءوسۋ قارقىنىن قاڭتار-ناۋرىزداعى 1،2 %-دان ءساۋىر مەن مامىر ايلارىندا 0،6% جانە 0،9%-عا دەيىن تومەندەتۋگە مۇمكىندىك بەردى. سونىمەن قاتار، ماۋسىمدا تۇتىنۋشىلىق باعالار يندەكسىنىڭ 1،9%-عا دەيىن ارتقانى بايقالۋدا»، - دەپ اتاپ ءوتتى ت. سۇلەيمەنوۆ.

ءوز كەزەگىندە، ق ر اۋىل شارۋاشىلىعى ءبىرىنشى ۆيسە-مينيسترى قايرات ايتۋعانوۆ تۇراقتاندىرۋ قورلارىنىڭ جۇمىسى تۋرالى باياندادى. اكىمدىكتەرمەن الەۋمەتتىك ماڭىزى بار ازىق-تۇلىك تاۋارلارى باعالارىنىڭ وسۋىنە جول بەرمەۋ بويىنشا مەموراندۋمدار جاسالدى.

قاراعاندى، باتىس قازاقستان وبلىستارىنىڭ جانە استانا قالاسىنىڭ اكىمدەرى ە. قوشانوۆ، ا. كولگىنوۆ جانە ءا. يسەكەشيەۆ وڭىرلەردەگى جاعداي تۋرالى بايانداما جاسادى.

وتىرىس بارىسىندا ق ر پرەمەر-مينيسترىنىڭ ورىنباسارى اسقار مىرزاحمەتوۆ اكىمدىكتەردە الەۋمەتتىك ماڭىزى بار ونىمدەردىڭ باعالارىن تۇراقتاندىرۋ ءۇشىن بارلىق مۇمكىندىكتەر بارىن اتاپ ءوتتى. وڭىرلەرگە تۇراقتاندىرۋ قورلارىنا جاڭا ءتۇسىم ونىمدەرىن ساتىپ الۋعا كىرىسۋ كەرەك.

وتىرىس ماسەلەلەرىن قاراۋدى قورىتىندىلاي كەلە، ق ر پرەمەر-مينيسترى باقىتجان ساعىنتايەۆ اكىمدىكتەرگە الەۋمەتتىك ماڭىزى بار ازىق-تۇلىك تاۋارلارىنىڭ باعالارىن تۇراقتاندىرۋ بويىنشا جۇمىستى كۇشەيتۋدى تاپسىردى.

ق ر ۇلتتىق ەكونوميكا جانە اۋىل شارۋاشىلىعى مينيسترلىكتەرىنە باعالار سەرپىنىنە تۇراقتى مونيتورينگ جۇرگىزۋدى قامتاماسىز ەتۋ تاپسىرىلدى.

مەملەكەتتىك ورگاندارعا اكىمدىكتەرمەن بىرگە باسىم تۇردە وڭىرلىك بازارلاردى ازىق-تۇلىكپەن مولىقتىرۋ جانە ساۋدا ينفراقۇرىلىمىن دامىتۋ بويىنشا شارالار قابىلداۋ قاجەت.